فى قلب الليل

.

في قلب الليل

و عزف الصمت متهادي

كموج النيل

في قلب الليل

وبرد الخوف بيتكتك سنان الخيل
وما في حد في الشارع

سوى مهر اتربط جازع

وشجرة صنت

وأنا…والصمت

وبرد الليل

وخوف الليل

وصهل المهر لم أفهم

أخوف مني أم إتعاجب

سألت المهر لم يفهم

كلام مني و لا جاوب

وكان في عينيه

بريق مني

كأنه كان بيسألني


وقفت أنظر له ينظرلي

وأنظر له و ينظرلي

ولما صار كما خلي

فتحنا ابواب حكاوينا

وتهنا في أغانينا

في برد الليل

وخوف الليل

و حزن الليل

وكان في جيده قيد جارحه

وقيد في جيدي ما لمحه

لكن حسه

أكيد حسه

وفجأة لقيناأحلامنا

وصهل الفجر في عيوننا

مسكت قيوده فكيتها

صهل بمعاني…حسيتها

وصار يجري

و ينساني

و صار يجري و ينساني

وأنا بجري

في طريق تاني

في برد الليل

وخوف الليل

وحزن الليل

وبعد كتير..في ليل تاني

لقيته لوحده من تاني

في جيده يقيده قيد تاني

صهل تاني

ماردتشي!

وباقي لوحدي انا بامشي

في برد الليل

و خوف الليل

و حزن الليل

.

.

شعر:عصام عبد الله

غناء:على الحجار

رسم:ليوناردو دافينشى

4 Responses to “فى قلب الليل”

  1. جداً احب الأغنية ذياختيار اكثر من موفقدمتي بألف خير

  2. الله الله الله الله انتى زوقك راقى بجد جداا فى قلب الليل دى من اجمل الاغانى الى بموت فيها وبحب اسمعها وانا مغمضه عينيه مش عارفه ليه .. بحسها فيها صوره تكاد ان تقفز من الكمبيوتر وانا مشغلاها ..تحفه فنيه جدا بتودينى لخيال جميل ومكان اجمل فى قلب الليل …

  3. نسيت احيكى على المدونه اخدتنى جمال الاغنيه .. ان شاء الله اكون من متابعيها …

  4. اختيار موفق للبورتريهواروع لاغنيه علي الحجاربالتوفيق دائما

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: