تخاريـف كاميكـازيـة


بعد ما دماغى وقفت وحسيت إنى مش فاهمة حاجة خالص

وبدأت الفيوزات اللى فى نافوخى تضرب

لاقيت النور مرة واحدة اتقفل فى دماغى

والدخان طالع من ودانى

وحالتى بقت صعبة خالص

لدرجة إنى صوعبت على كاميكاز

اللى قعد يهدى فيا ويقولى معلش يابنتى

ما الدنيا إلا كاميكاااااز كبير

هنعمل ايه بس؟

خلاص يا كوكو مش قادرة خلاااااااااص

البعيرُ هلك

البعيرُ هلك

البعيرُ هلك

.

حد يسألنى مين البعيرُ هلك دول

اجاوبه بكل فخر واقوله مرة تانية هبقى احكيلك قصة الملك هاموشير وعبدوس الوزير عشان مش وقته

.
ووسطت هذا الجو الملبد بغيوم الحزن والكآبة

من هذه المادة الهبابة

فوجئت بحبل الافكار نازلى من سحابة

وأصحبت أكثر خيابة

كاميكاز: ياعينى عليكى فى الفصيح

مريسى يارافع معنوياتى

.

المهم لاقينا مرة واحدة الكتاب وقف وطلع لنا لسانه

وقعد يغنى ويقول

ورااااك انا والزمن طويل .. انا مش هسيييييبك مستحيييييييييييييل

قول عليا مهبووول قول عليا مهطووول

خدها كلمة منى ومن الآخر هتذاكرنى فى يوووووووم

.

طبعا أوغمن عليا على طول انا وكوكى فى نفس ذات اللحظة
.

***فاصل من الأغانى الكاميكازية المبهجة***

مع كامكوزة عجرم

.

إحساس جديد

فى قلبى بيزيد

بحسه كل ما بدخل اللجنة

إنى على طول

عقلى مشغول

كتير بتلخبط

ومش فاكرة ولا كلمة

***

انا ما بدى اكتب كلام

يصدع قلمى ويجيبله زكام

بيكفينى

يقولوا نجحتى

هايدى الكلمة بتقتلنىىىىىىىىى

***

.

صاحب هذه الاغنية الرائعة رقص وطبل وتنطيط من كاميكاز افندى حبيب الجماهير

واحد من الشعب يسألنى مين كاميكاز ده؟

هزعل منه جدا أولا عشان السؤال ده كتر أوى اليومين دول

وثانيا عشان مش مثقف ومش عارف مين هو كاميكاز حبيب الجماهير

وثالثا وده الاهم مش هرد لانى انا شخصيا معرفش مين كاميكاز ده

.
*** فاصل آخر ***

ولا ليلة ولا أجمل من دى ليلة

بين إيديا كتابى بقاله سنين طويييييييييييييييلة…………………….. أكمل الفراغ وعلل أسبابه واذكر إسم مؤلف الكتاب وموقفه من التجنيد.
.

طبعا اول ما كاميكاز سمع إن فيها اسئلة غنى اغنيته المفضلة

كدة كفاية كدة تجريييح .. كدة كفاية … كدة كفاية

ياعينى عليك فى الحزين يا كوكي

ثااا.. ثااا..ثاااانك يوووووووووو

يرحمكم الله

.

.

**الفقرة الرياضية من نادى كاميكاز الرياضى**

أعزائى المشاهدين معاكم المذيع كاميكازى أفندى أبو نسمة ، وطبعا بعد فرحتنا اليوم بفوز الأهلى الساحق الماحق 5-1

والذى رد بجدارة على كل الاقاويل المغرضة التى طعنت فى قدرات مثل هذا النادى العريييق

والذى وضع خمس أهداف عشان كل اللعيبة تفرح والكل يجيب اجوان وخلى الشعب يعيش

على فكرة كاميكاز وهو معدى جمب الإستاد اتحايلوا عليه ينزل يجيب جون وهو قالهم انا عندى شغل .. اعطل نفسى يعنى.. ايه الناس دى

وكما تسمعون الان اعزائى المشاهدين هتاف الجماهير الكاميكازيين فرحاً بفوز ناديهم المفضل

او ممكن يكون من كبت الامتحانات

لا ادرى بالظبط

ولكن هناك شخص قصير وشكله غريب مهيج كل الجماهير بالهتفات الرنانة

والزنانة ايضا

هذا الشخص يدعى كاميكاز

وإنه حقاً لكاميكاز

وياله من كاميكاز

مرعب

شنيع

مريع

فظيع

رقيع

رائيع

بديع

.

هنيئاً لكم ايها الكاميكازيون الموعودون بالنجاح دائماً

.

update

**مئوية الأهلـى الكاميكازية**

يا أهلى

ياحبيبى ياأهلى

يانور عينى ياأهلى

يا فضحيتنا قدام العالم كله يا أهلى

حد كاميكازى بقا يفهمنى ايه اللى حصل يوم التلات ده بقا؟؟؟؟

اربع اجوان؟؟؟

يعنى مش 1 ولا 2 ولا 3 حتى

يانهار ابيض

اول جون افتكرت إن الكاميرا جابت مشهد من ماتش تانى

والا الجون التانى بتاع الواد اللى ابو 19 سنة

والرابع اللى فى الوقت اللى بدل الضائع

يانهااااااااااااااارى

وضجة إعلامية

وإعلانات

ومئويات

وحركات

والتعلب فات فات فى ديله سبع لفات

فين اللعيبة

ابص عند الجون بتاعنا اقول يمكن بيحاولوا يحافظوا على شباكنا الزهبية

الاقى الحضرى ياعينى واقف لوحده وضغطه عالى من الشخط فى اللعيبة

ابص عند الجون بتاع برشلونة اقول يمكن بيحاولوا يجبوا جون الاقيه فاضى ومهوى

ادور عليهم فى نص الملعب بيمكن بيسخنوا ولا حاجة مالقيش حد بردو

فين لعبية الأهلى ياجدعان

فين ابو تريكة اللاعيب

ولا متعب!!!!ه

ولا فلافيو!!!!ه

يلا هنقول ايه بس

اللى حصل حصل بقا وخلاص

واللى لعب لعب من زمان

واتفضحنا واللى كان كان

كنت منورنا ياعم رونالدينهو

ومتشكرين على الكام توقيع اللى على الكاميرات دول

وعلى الاربع صواريخ اللى دخلوا فى شبكتنا

عااااااااااااااااااااااااااااااااا
يا شماتة أبلة ظاظا فياااااااااا

.

**إنتهت الفقرة**

.

.

وبعد إشفاقى على كل من وصل لنهاية البوست اللى مالوش موقع من الإعراب ده ومش فاهمة فيه ولا كلمة

اقولكم كلكم بالله عليكم إدعولنا

ومانجلكوش فى حاجة وحشة

مين يفعل خير بيداه يلتقاه

وهنيالك يا فاعل الخير والثواب

إهئ إهئ إهئ

انا عاوز كوكاكولاااااااا

بطل شحاتة بقا.

اسيبكوا بقا عشان كاميكاز دماغه ضربت زيي بالظبط وعامل دوشة ودخل جوا الكمبيوتر واتكعبل على العتبة بتاعة التوول بار وعمال يلعب فى الإن بوكس بتاعى

.

يلا تصبحوا على خيييير

كاميكاز: مع السلاااااااامة

خش نام بقا صدعتنى

63 Responses to “تخاريـف كاميكـازيـة”

  1. واحـــد مـــــن الـنـــاس Says:

    ههههههههههههههه
    كاميكاز كان قاعد جنبي وانا بقرا البوست ده
    انتي بتجيبي المواهب دي منين يا حاجة ؟؟
    ادي التهييس ولا بلاش

    مبروك مقدما انضمامك لجماعة شباب من اجل التهييس

    http://shabab4tahyes.blogspot.com/

  2. واحـــد مـــــن الـنـــاس Says:

    ههههههههههههههه
    كاميكاز كان قاعد جنبي وانا بقرا البوست ده
    انتي بتجيبي المواهب دي منين يا حاجة ؟؟
    ادي التهييس ولا بلاش

    مبروك مقدما انضمامك لجماعة شباب من اجل التهييس

    http://shabab4tahyes.blogspot.com/

  3. الكاميكازيووون يتكلموووون:

    على العموم يا جماعة ده إذا كان بيدل على شئ فهو يدل على مرحلة التهييييس الجامدة اللى بيوصلها الممتحنووون و الممتحنااات و دى حاجة غير صحية بالمرة زى ما انتم شايفيين

    و عشان كدا أنا من منبر سيمو هذا أناشد جميع المسؤليين بإلغاء خطوة الامتحانات دى و تأهيل الطلاب مباشرة للسنة اللى بعدها فى سلام نفسى و عقلى…و السلام ختااام

  4. الكاميكازيووون يتكلموووون:

    على العموم يا جماعة ده إذا كان بيدل على شئ فهو يدل على مرحلة التهييييس الجامدة اللى بيوصلها الممتحنووون و الممتحنااات و دى حاجة غير صحية بالمرة زى ما انتم شايفيين

    و عشان كدا أنا من منبر سيمو هذا أناشد جميع المسؤليين بإلغاء خطوة الامتحانات دى و تأهيل الطلاب مباشرة للسنة اللى بعدها فى سلام نفسى و عقلى…و السلام ختااام

  5. ma_3alina Says:

    لا حول ولا قوة إلا بالله …
    والله والواحد فاكر أيام الامتحانات دي بس الحمد لله ما وصلتش للمرحلة الجامدة دي … كان الله في العون
    شدة وتزووول

  6. ma_3alina Says:

    لا حول ولا قوة إلا بالله …
    والله والواحد فاكر أيام الامتحانات دي بس الحمد لله ما وصلتش للمرحلة الجامدة دي … كان الله في العون
    شدة وتزووول

  7. هههههههههههه
    الظاهر أنى جيت فى وقت مش مناسب!! اسيبك أنتى وكاميكاز بقى
    🙂

    ايه ده يا بنتى؟ بقى أنا اول مرة اجى عندك البلوج الاقيكى مهيسة كده؟

    أنتى هتقوليلى عالامتحانات وسنينها السودا والهبل اللى بتعمله فى الدماغ؟.. أنا لحد دلوقتى لسه شاكة فى قدراتى العقلية
    ههههههه

    خلى كاميكاز يقوم يعملى كوباية عصير بقى بدل ما هو قاعد كده
    🙂

    manal

  8. هههههههههههه
    الظاهر أنى جيت فى وقت مش مناسب!! اسيبك أنتى وكاميكاز بقى
    🙂

    ايه ده يا بنتى؟ بقى أنا اول مرة اجى عندك البلوج الاقيكى مهيسة كده؟

    أنتى هتقوليلى عالامتحانات وسنينها السودا والهبل اللى بتعمله فى الدماغ؟.. أنا لحد دلوقتى لسه شاكة فى قدراتى العقلية
    ههههههه

    خلى كاميكاز يقوم يعملى كوباية عصير بقى بدل ما هو قاعد كده
    🙂

    manal

  9. m_elsewedy Says:

    ههههههههههههههههه

    انتى تشربى ليمون سخن وتدشى بصلتين وتاكليهم ومعلقتين عسل على الريق وانتى تبقى كويسة ان شاء الله
    😀

    ربنا معاكى فى الامتحانات
    :))

  10. m_elsewedy Says:

    ههههههههههههههههه

    انتى تشربى ليمون سخن وتدشى بصلتين وتاكليهم ومعلقتين عسل على الريق وانتى تبقى كويسة ان شاء الله
    😀

    ربنا معاكى فى الامتحانات
    :))

  11. صباح التهييس

    يا بنتي صحتك مش كده

    ربنا يوفقك ان شاء الله و تجيبي خمس اجوان زي الاهلي كمان🙂

  12. صباح التهييس

    يا بنتي صحتك مش كده

    ربنا يوفقك ان شاء الله و تجيبي خمس اجوان زي الاهلي كمان🙂

  13. :))
    بالراحة حبة احنا فين واخر امتحان فين لما تبتدي تهزي راسك بس وماتتكلميش ولا تاكلي ولا تضحكي والسؤال البايخ بعد كل امتحان .. هاة عملتي اية
    تردي بهدوء .. مـعـرفـش
    ربنا معاكي
    ثانية واحدة البعير هلك دي قديمة عليكي اوي جبتيها من فين دي..الامتحانات تعمل اكتر من كده

  14. :))
    بالراحة حبة احنا فين واخر امتحان فين لما تبتدي تهزي راسك بس وماتتكلميش ولا تاكلي ولا تضحكي والسؤال البايخ بعد كل امتحان .. هاة عملتي اية
    تردي بهدوء .. مـعـرفـش
    ربنا معاكي
    ثانية واحدة البعير هلك دي قديمة عليكي اوي جبتيها من فين دي..الامتحانات تعمل اكتر من كده

  15. هههههههههههههههههه يابنت انتى اتجننتى ربنا معاكى ياقمر والله بدعيلك والله

  16. هههههههههههههههههه يابنت انتى اتجننتى ربنا معاكى ياقمر والله بدعيلك والله

  17. شوق الياسمين Says:

    هههههههههههههههه
    مسخرة

    😉

  18. شوق الياسمين Says:

    هههههههههههههههه
    مسخرة

    😉

  19. Amr Ahmed Says:

    يا بنتي حرام

    هيبقي دراما وجرامر وصوتيات

    وانتي

    ايه اللي انتي بتقوليه ده
    دانتي لخبطتيني خالص

    مين بيروح فين بكام

    اما افوق ابقي اشرحيلي
    ربنا معاكي ومعانا

  20. Amr Ahmed Says:

    يا بنتي حرام

    هيبقي دراما وجرامر وصوتيات

    وانتي

    ايه اللي انتي بتقوليه ده
    دانتي لخبطتيني خالص

    مين بيروح فين بكام

    اما افوق ابقي اشرحيلي
    ربنا معاكي ومعانا

  21. mansourawy Says:

    ده اخرت شرب الميا
    مش قلنا يناس ابعدو عن الميه من الحنفية
    سبحان الله
    ادى ضهرك للورقة عمر ماالكاميكزة فى ددتنا مترعى

    يلا بالتوفيق وايام وهتعدى زى اللى قبليها
    يعنى كانت وال مرة

  22. mansourawy Says:

    ده اخرت شرب الميا
    مش قلنا يناس ابعدو عن الميه من الحنفية
    سبحان الله
    ادى ضهرك للورقة عمر ماالكاميكزة فى ددتنا مترعى

    يلا بالتوفيق وايام وهتعدى زى اللى قبليها
    يعنى كانت وال مرة

  23. السلام عليكم
    إحنا هنقلد نشرة الأخبار و لا أية
    المهم
    ماشي مبروك للأهلي و للإسماعيلي كمان و للزمالك زعيم الكل
    أنت حالتك بتكون وحشة قوي في الإمتحانات الحقيقة
    ربنا معاكي و يوفقك يارب دايما

  24. السلام عليكم
    إحنا هنقلد نشرة الأخبار و لا أية
    المهم
    ماشي مبروك للأهلي و للإسماعيلي كمان و للزمالك زعيم الكل
    أنت حالتك بتكون وحشة قوي في الإمتحانات الحقيقة
    ربنا معاكي و يوفقك يارب دايما

  25. مـحـمـد مـفـيـد Says:

    ايه التهييس ده
    بصراحه مت من الصضحك
    الله يجزيكي

  26. مـحـمـد مـفـيـد Says:

    ايه التهييس ده
    بصراحه مت من الصضحك
    الله يجزيكي

  27. بوست لذيذ

    ربنا يوفقك فى الامتحانات

    ان شاء الله اعلى الدرجات

    تحياتى

  28. بوست لذيذ

    ربنا يوفقك فى الامتحانات

    ان شاء الله اعلى الدرجات

    تحياتى

  29. Abdou Basha Says:

    لاحول ولا قوة الا بالله
    😦

    عادي،
    ابقي طمنينا عليكي لما تخلصي

  30. Abdou Basha Says:

    لاحول ولا قوة الا بالله
    😦

    عادي،
    ابقي طمنينا عليكي لما تخلصي

  31. smraa alnil Says:

    هههههههههههههه
    طب مين فينا بقي اللي مدونته زي العسل
    والله انتي الي عسل
    بس خلي كاميكاز يسخنلك جزمتني جرجير علي النار
    واضربيلك دوا كحة
    واقمطي القمطة علي راسك ونامي تلات واربع وتبقي علي الجمعه كدة زي الفل
    ربنا معاكي يا قمر
    مش تقلقي كلنا لها
    وشدة وتزول

  32. smraa alnil Says:

    هههههههههههههه
    طب مين فينا بقي اللي مدونته زي العسل
    والله انتي الي عسل
    بس خلي كاميكاز يسخنلك جزمتني جرجير علي النار
    واضربيلك دوا كحة
    واقمطي القمطة علي راسك ونامي تلات واربع وتبقي علي الجمعه كدة زي الفل
    ربنا معاكي يا قمر
    مش تقلقي كلنا لها
    وشدة وتزول

  33. لذيذه جدا و ان عكست تعكس جو من النكد مش طبيعي بسخريه رائعه
    انا هضيفك للفيفرت عندي
    استمري

  34. لذيذه جدا و ان عكست تعكس جو من النكد مش طبيعي بسخريه رائعه
    انا هضيفك للفيفرت عندي
    استمري

  35. ايه ده

    اول مرة اجى ازورك الاقى كده

    تهييس تهييس

    عموما يا قمر عادى

    هيا الامتحانات كده

    ربنا معاكى

    سلامنا لكوكو

    واشوفك البوست الجاى

  36. ايه ده

    اول مرة اجى ازورك الاقى كده

    تهييس تهييس

    عموما يا قمر عادى

    هيا الامتحانات كده

    ربنا معاكى

    سلامنا لكوكو

    واشوفك البوست الجاى

  37. هههههههههههه

    ما شاء الله

    انا بكتبلك دلوقتى فى مساء كاميكازاوى معتدل…, الطقس 22 درجة كاميكازاوية
    لابس تى شيرت لونه كاميكازى

    بقرى البوست بتاعك .., بضحك بشكل كاميكازى عالاخر

    ايه ده

    ايه الحلاوة دى

    هييييييييييه .., بتقووول ايه

    بس سؤال اخير

    هو مين كاميكاز ده

    زى متكاظى بتاعنا كده

  38. هههههههههههه

    ما شاء الله

    انا بكتبلك دلوقتى فى مساء كاميكازاوى معتدل…, الطقس 22 درجة كاميكازاوية
    لابس تى شيرت لونه كاميكازى

    بقرى البوست بتاعك .., بضحك بشكل كاميكازى عالاخر

    ايه ده

    ايه الحلاوة دى

    هييييييييييه .., بتقووول ايه

    بس سؤال اخير

    هو مين كاميكاز ده

    زى متكاظى بتاعنا كده

  39. أنا ماكنتش أعرف ان الامتحانات واصله كده وتأثيرها علي كل الناس, أنا نفسي ألاقي حد الامتحانات مش بتهمه ولا بيعملها اعتبار , بس للأسف مش لاقيه
    ماتنسيش تسلميلي علي كاميكاز(:

  40. أنا ماكنتش أعرف ان الامتحانات واصله كده وتأثيرها علي كل الناس, أنا نفسي ألاقي حد الامتحانات مش بتهمه ولا بيعملها اعتبار , بس للأسف مش لاقيه
    ماتنسيش تسلميلي علي كاميكاز(:

  41. كريم يوسف Says:

    ربنا يوفقك فى امتحانتك ان شاء الله
    وهم كام اسبوع بيبقى الواحد فيهم كائن فضائي وبعدين بيرجع تانى

  42. كريم يوسف Says:

    ربنا يوفقك فى امتحانتك ان شاء الله
    وهم كام اسبوع بيبقى الواحد فيهم كائن فضائي وبعدين بيرجع تانى

  43. أخف دم Says:

    مرة واحد كاميكاز لعب شطرنج مع واحد كاميكاز زيه ، الملك مات مشلول .

  44. أخف دم Says:

    مرة واحد كاميكاز لعب شطرنج مع واحد كاميكاز زيه ، الملك مات مشلول .

  45. انتهى المشوار Says:

    ده فعلا الفيوزات عندك ضاربه خاااااااااالص
    ربنا يهديكي
    وعلى فكره الكاميكاز بيسلم عليكي

  46. انتهى المشوار Says:

    ده فعلا الفيوزات عندك ضاربه خاااااااااالص
    ربنا يهديكي
    وعلى فكره الكاميكاز بيسلم عليكي

  47. أحـمد عـيسي Says:

    علي فكرة بقي ساعة مكنتي بتتكلمي كان الكاميكاز قاعد معايا انا وبيلعب معايا عشرة جوكر ..حتي كان في 3 كاميكاز كمان كانو لسة مخلصين الحرب العالمية بس اللي فاكره ان واحد فيهم كان راسه مقطوعة..تقريبا ملحقش يجري بعد مفجر نفسه في ال..ايه ده..مين اللي جابني هنا؟

  48. أحـمد عـيسي Says:

    علي فكرة بقي ساعة مكنتي بتتكلمي كان الكاميكاز قاعد معايا انا وبيلعب معايا عشرة جوكر ..حتي كان في 3 كاميكاز كمان كانو لسة مخلصين الحرب العالمية بس اللي فاكره ان واحد فيهم كان راسه مقطوعة..تقريبا ملحقش يجري بعد مفجر نفسه في ال..ايه ده..مين اللي جابني هنا؟

  49. واحـد من الناس
    ربنا يكرمك مواهب ايه بس
    دى حاجة كاميكاز كدة على القد
    🙂

  50. واحـد من الناس
    ربنا يكرمك مواهب ايه بس
    دى حاجة كاميكاز كدة على القد
    🙂

  51. نوووووووسة زميلة الكفاح
    منا بقول كدة من وانا فى اعدادى والله يابنتى
    ليه مايبقاش فى ثقة
    الدكتور : مذاكرين يا جماعة
    إحنا: ايوة يافندىىىىىىى
    الدكتور : شاطرين .. دخلوهم السنة اللى بعدها
    والموضوع ينتهى بكل بساطة

    منورانى فى اول تعليق ليكى عندى يا نونو

  52. نوووووووسة زميلة الكفاح
    منا بقول كدة من وانا فى اعدادى والله يابنتى
    ليه مايبقاش فى ثقة
    الدكتور : مذاكرين يا جماعة
    إحنا: ايوة يافندىىىىىىى
    الدكتور : شاطرين .. دخلوهم السنة اللى بعدها
    والموضوع ينتهى بكل بساطة

    منورانى فى اول تعليق ليكى عندى يا نونو

  53. ma_3alina
    يارب تزووووول يارب على خير
    إدعلينا الله يكرمك

    albida
    ههههههههه معلش بعيد عنك وعن السامعين كان يوم غريب والكلام مش عاوز يدخل فى دماغى ولا حتى بالزق
    لالالا .. كاميكاز مش فاضى .. بيغسل المواعين
    ونورتينى لاول مرة وان شاء الله ماتكونش آخر مرة
    🙂

    m_elsewedy
    هههههههه
    دى وصفة سهلة دى وصفة هايلة
    ايوة كدة ادعيلنا ربنا يكرمك

    utopian
    ايوة كدة إستمر فى الدعااااااااء

  54. ma_3alina
    يارب تزووووول يارب على خير
    إدعلينا الله يكرمك

    albida
    ههههههههه معلش بعيد عنك وعن السامعين كان يوم غريب والكلام مش عاوز يدخل فى دماغى ولا حتى بالزق
    لالالا .. كاميكاز مش فاضى .. بيغسل المواعين
    ونورتينى لاول مرة وان شاء الله ماتكونش آخر مرة
    🙂

    m_elsewedy
    هههههههه
    دى وصفة سهلة دى وصفة هايلة
    ايوة كدة ادعيلنا ربنا يكرمك

    utopian
    ايوة كدة إستمر فى الدعااااااااء

  55. saso
    لا ماهى من اولها بتبهدلنا يا ساسو والله
    بس انا لما حد بيسألنى من وانا صغيرة بجاوب إجابة واحدة بس .. الحمد لله
    لما دخلت الكلية وابتديت اطحن بقيت اقول .. ربنا يستر

    البعيرُ هلك دول تراث يابنتى .. ناس جامدة يعنى مش اى كلام
    بس هما غالباً ماتوا مش عارفة
    😦
    نورتينى وادعيلىىىى بالله عليكى

    chico
    ايه النور بتاع المدونة الجديدة ده
    منورة يارورو والله
    عارفة انك بتدعى واستمرى فى الدعاء ربنا يكرمك يااااااااااااارب

    شوق الياسمين
    ههههههههههه
    كاميكاز بيسلم عليكى وبيقول منورانا
    😀

  56. saso
    لا ماهى من اولها بتبهدلنا يا ساسو والله
    بس انا لما حد بيسألنى من وانا صغيرة بجاوب إجابة واحدة بس .. الحمد لله
    لما دخلت الكلية وابتديت اطحن بقيت اقول .. ربنا يستر

    البعيرُ هلك دول تراث يابنتى .. ناس جامدة يعنى مش اى كلام
    بس هما غالباً ماتوا مش عارفة
    😦
    نورتينى وادعيلىىىى بالله عليكى

    chico
    ايه النور بتاع المدونة الجديدة ده
    منورة يارورو والله
    عارفة انك بتدعى واستمرى فى الدعاء ربنا يكرمك يااااااااااااارب

    شوق الياسمين
    ههههههههههه
    كاميكاز بيسلم عليكى وبيقول منورانا
    😀

  57. amr ahmed
    ماهو اصلى انا كمان مش فاهمة
    نشوف حد ثالث يفهمنا كلنا
    واكيد مش هيكون كاميكاز لانه مش بيفهم اساساً
    اهلا بيك لاول مرة عندنا وإن شاء الله ماتبقاش اخر مرة

    mansourawy
    فعلا انا يوميها كنت عشطانة .. يمكن برضه
    ماهى مش أول مرة بس خلاص تعبتتتتتتتتتتتتتتتتت
    حاجة تخنق بجد
    الحمد لله على كل حال
    وادعولناااااااااااا

    no fear
    وعليكم السلام ورحمة الله وبركاته
    يا نهار ابيض .. ايش جاب لجاب
    لا نشرتك تكسب طبعا
    الله يبارك فيك
    واهلا بيك لاول مرة عندنا وإن شاء الله ماتبقاش اخر مرة
    وادعيلناااااااا

    محمد مفيد
    ادعلينا بالله عليك ومتنساش تسلم على عبد الله ومامته
    اهلا بيك لاول مرة عندنا
    ويارب مش تبقى آخر مرة

    Abdou Basha
    😦 إدعيلنا الله يكرمك
    اهلا بيك لاول مرة عندنا ويارب ماتبقاش آخر مرة

  58. tamer
    امين يارب
    ربنا يسامحك عشان مدونتك المرعبة دى
    ونورتنا فى مدونتى المتواضعة
    وادعيلنااااااااا

    سمراء النيل
    هههههههههههههه
    ايه جو التزيق ده
    خلاص تبقى انتى اللى عسسسسسل
    نورتينى لاول مرة عندى ويارب ماتبقاش اخر مرة يا سكر… ماتقطعوش الجوابات بقا
    وادعيلىىىىىىى

    memo
    ربنا يكرمك ادعيلى
    ومرسى لكلامك اوى
    نورتينى بجد

    carmen
    كوكو بيسلم عليكى وبيقولك تدعيلى
    اسمعى كلامه بقا وادعيلىىىىىىى
    نورتينى وان شاء الله اعمل بوستات تعجبك ومش تهيييس
    🙂

    zordeak
    ايه الكلام ده … ده قاعد جامبى من ساعتها ماتحركش .. خرج من ورايا ولا ايه؟
    متكاظى وكاميكازى ……. زى هناء وشرين كدة

    esraa
    وليه تدورى مانا عندى اخويا اهوه
    ابقى انا هيجرالى حاجة من كتر القلق وهو عااااااااااادى ومش بيذاكر اساسا
    مقضيها زى ناس كتير ماهى مقضياها
    كوكى بيسلم عليكى
    🙂

  59. كريم يوسف
    ربنا يكرمك
    اهلا بيك لاول مرة عندنا ويارب المدونة تعجبك وماتبقاش اخر مرة
    وبالله عليك بجد ادعيلناااااا

    أخف دم
    ههههههههههههههههههه
    كاميكاز مأهور
    كدة تشكك فى قدراته العقلية؟؟؟

    انتهى المشوار
    ايوة ضربت خلاص
    اهلا بيك لاول مرة عندنا وان شاء الله المدونة تعجبك وماتبقاش اخر مرة

    احمد عيسى
    هههههههههههههههه
    اديك طلعت منهم اهوه
    كاميكاز اللى هنا بيقولك روح وهو هيحصلك

  60. King A.S.R Says:

    يا جماعه العلاج الامثل هو شريط محمود عبد العزيز ( مزجانجي ) بتاع الكميكمي كا الكميكمي كية

  61. king a.s.r
    والله احسن حاجة
    اصل الكميا دى غدارة اللى يبسبها يشتغل فى الاحياء
    هههههههههههههه
    نورت المدونة لأول مرة وإن شاء الله ماتكونش آخر مرة

  62. camera_girl Says:

    ايوه طب انتى كويس انك كتبتى كده مودنتك جميله اوى بجد …ثم الحبايب كللهم بيجو هنا كانتمفاجأه والله

  63. إنـســانة Says:

    camera_girl
    ياستى ولا تزعلى اهو الحبايب زادوا واحد
    منورة المدونة لاول مرة وياريت تكررى الزيارة

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: