بقايـا إنســان

تفوت سنيـن
.
ويفضل جوايا
.
بقايا إنسـان
.
براويز صور عالحيطان

.
شخابيط حلم إبتدى
.
شوية ورق ألوان
.
كل ورقة بسنـة
.
واللون عنوان
.
تفوت سنيـن
.
ويفضل جوايـا
.
بقايا إنسـان

.

22 Responses to “بقايـا إنســان”

  1. smraa alnil Says:

    ومهما كبرتي
    ومهما رحتي برضه هتبقي انسانة
    بسيطة يمكن حزينة اه بس عنيكي ابتسامة فرحانه
    هتفوت سنين
    وهتبصي للماضي الحزين
    هتلاقي شخابيطك
    هتبصي عليها وترسمي محيطك
    وتضحكي وتقولي ياااااه
    بقي هي دي كانت الحياه
    وازاي يا ورقي بقيت صفحة بسنة
    دةالعمر للدرجة دي كان صغير وبره ملقتش الهنا
    هههههههه يعني مهما قصرت ولا طولت
    برضه هو انا
    يا ستي اضحكي بلا هم
    واياكي وحرقة الدم
    اصلك مهما روحتي ومهما جيتي
    برضه هتبقي انسانة

  2. جدميل ان رغم مرور السنين يفضل الانسان جواكي, بس الانسان بحاله مش بقايا منه
    البوست بحد جميل جدا ولمس حاجه جوايا.

  3. أنـــا حـــــــــرة Says:

    حلوة اوى يا ياسمين
    احساسك باين مع انك كاتبه كلمتين
    بس يابنتى هقولك
    الانسان جاى الدنيا رحلة بينقل معاه ممتلكاته و غصب عنه كل مدى بيتخلى عن شخص أو مبدأ أو فكرة لحد ما فى الآخر بيوصل للمصير بماتبقى

    يعنى ده هو الطبيعى
    المهم ماتفرطيش فى حاجه شايفاها مهمه

    _____________

    أخبار الامتحانات ايه

  4. Amr Ahmed Says:

    انتي سايبة المذاكرة وقاعدة تكتبيلي في شعر

    ايه ده احنا هنخزر
    قومي ذاكري يللا
    انا راجل مخلص امتحانات
    يعني اقعد براحتي

    لكن اللي لسه ماخلصوش
    ميلمسوش الكمبيوتر

    بس ايه الجمال ده

    الظاهر ان الامتحانات زي مابتطلع كأبة
    بتطلع ابداعات كمان

    بس برضو هاتقومي تذاكري

    ايوه كده
    لازم ازعق يعني

    بالتوفيق ياااااارب انتي وكل اللي بيمتحنوا

  5. يا مراكبي Says:

    الله .. جميل قوي

    فعلا .. مهما تفوت الأيام يفضل جوانا مسحة من جمال قديم

    إشتغلت كتير .. بأسافر كتير . مشغول كتير .. عندي هموم كتير .. لكن لما أقعد لوحدي .. تختفي كل الأقنعة دي وبأرجع تاني .. إنسان

    لسة فاضل جوانا .. الإنسان

  6. اهم حاجة اننا مايضيعش مننا الانسان خلال رحلتنا فى الدنيا

    لان هو ده اللى هيبقالنا

    احييكى

  7. بيسوو Says:

    الانسان هيفضل انسان مهما حصل ومهما مرت ايام

    ممكن نحزن وممكن نكره واحيانا ممكن ندمع بس في الاخر هنرجع تاني نضحك على كل الي حصل

    علشان الانسان من النسيان

    سلامي ليكي

  8. سمراء النيل
    ههههههههههههه
    ايه يابنتى ده .. بتشعرى فيا
    وبعدين ايه الكلام الجميل ده .. المفروض اشيل البوست واحط الكلام ده بجد
    ربنا يكرمك يا إنجى
    انا مش حزينة ولا حاجة بس ده اللى طلع معايا بناسبة السنة الهجرية الجديدة
    وهى سنين وبتعدى
    وقريب إن شاء الله هيبقى عيد ميلادى وهعجزززززززززز ههههههههه
    هتلاقينى بعيط فى البوست مش بس حزينة هههههههه
    نورتينى يا قمراية

  9. esraa
    هو بيفضل الانسان كله يا إسرء بس السنين بتاخد منه اهم حاجة فيه .. واللى هى عمره ده غير لحظاته الحلوة
    فأعتقد أنه بيبقى بقايا مع شوية ذكريات مش إنسان كامل
    فرحانة انه وصلك ولمسك
    وانا مش جامدة فى الكتابة اوى ولا حاجة .. اهى شوية حاجات بتطلع وخلاص
    سلام يا إسو ونورتينى

  10. أنا حـرة
    ياسميناااااااا
    وحشانى والله بحد
    مش بمزاج الواحد يا سمسمة .. ممكن حاجة مهمة هى اللى تسيبنى .. زى ايام الكلية اللى قربت تخلص ومش هشوف صحابى زى الاول
    الحمد لله ماهى كان لازم هيجيلها يوم وتخلص يعنى

    الحمد لله كويسة فى الامتحانات وإدعيلىىىىىىىىىىىىى
    سلام يا ياسمنتى

  11. amr ahmed
    ايه اللى جابك هنااااا
    برااااااااااااا
    هههههههههه
    ربنا يكرمك إبداع ايه بس ده انا بعك بس
    بطل ذل فينا بقا ربنا يسامحكواااا
    لنااااا الله
    سلام يا استاذ

  12. يامراكبى
    اهلا بيك فى المدونة لأول مرة
    فعلا مهما كبرنا ومهما رحنا ومهما جينا بنفضل إحنا ..بتوع زمان
    شكلنا بيتغير .. مسؤليتنا بتتغير .. حتى عناوينا بتتغير
    بس برضه إحنا .. ولو حتى من جوانا
    شرفت المدونة وإن شاء الله ماتكونش آخر مرة

  13. carmen
    سعات نقدر نحافظ على الإنسان جوانا .. وسعات كتير صعب
    زى فيلم جعلونى مجرماً كدة
    مقدرش يحافظ عليها وبقى حد تانى مجرم
    قيسى على كدة مواقف كتير اوى
    مع مرور السنين والايام حبة حبة الطفل اللى جوانا بيروح .. ولو حتى موجود يبقى مش مسموحله يبان عشان إنتى واحدة مسؤلة دلوقتى ومانتيش صغيرة
    الكلمة الطبيعة اللى دايما بتتقال
    مع إنك مهما كنتى مسؤلة فانتى إنتى .. زى مانتى من زمان
    اللى بيفرحك هو هو واللى بيزعلك برضه
    وعندك حق ..اللى بيفضل الإنسان
    تحياتى ليكى

  14. بيسوو
    عندك حق والله
    النسيان ده نعمة كبيرة اوى
    لو الواحد منسيش هتبقى الحياة جحيم
    يمكن النسيان ده هو اللى بيفكرنا بالإنسان اللى جوانا مهما عدت عليه ظروف كتير
    بينساها ويرجع إنسان زى ما كان

    مدونتك جميلة اوى على فكرة
    واهلا بيكى لاول مرة عندى
    وإن شاء الله ماتكونش آخر مرة

  15. انتى انسانة جمييلة

    ومش جواكى بقايا انسان

    لا انتى بجد انسانة

    احساسك عالى وواضح اوى

    تشكرات افندم

  16. مش مشكلة السنين تفوت المهم ايه اللى بنحققه و بنعمله فى السنين دى
    يعنى ممكن واحد عاش 20 سنة و كأنهم 100 سنة بانجازاتهم
    و ناس تانية زينا كدا تعيش 100 سنة و لا كأنهم 5 سنين حتى😦

  17. مش هطول عليكى والك واقول كلام فلسفى انا مش فاهمه …. البوست جميل … سلس و بسيط بس وصلنى

    لمسنى من جوه

    بس خلاص
    🙂

  18. كريم يوسف Says:

    الفكرة ان كل واحد فينا ساعات بينشغل بالحياة والمشاكل لغاية ما ينسى هو مين وعايز ايه ..وبعدين يقعد مع نفسه او مع حد قريب منه فيكتشف انه بعد جدا عن نفسه وعن طريقه فيرجع تاني

    مممكن التعليق يكون بعيد عن اللى قصدتيه بالبوست بس ده احساسي الخاص بيه

    وشكرا ليك ِ جدا على البوست الجميل

  19. zordeak
    متشكرة على الكلام الجميل ده
    اللى انا اقل منه بكتييييييير
    ربنا يكرمك ويعزك يارب

  20. enas
    عندك حق يانوسة
    انا فاكرة وانا فى سنة اولى كلية كانت احلامى عاملة إزاى
    وبشوف دلوقتى وانا فى رابعة حققت منها ايه
    فرق شاسع فى التنفيذ وفى الاتجاه اساسا

    المهم سيبك انتى .. انتى منورانى والله

  21. كريم يوسف
    لا مش بعيد ولا حاجة
    فعلا عندك حق .. متاهات كتييييييرة بجد بنتوه فيها
    واكبر متاهة هى الدنيا نفسها .. بحرها واسع وصدقها كاذب وملهاش صاحب..ربنا يخرجها من قلوبنا
    اللهم آمين

    متشكرة ليك جدا
    وجزاك الله خيرا

  22. wow
    الامتحانات بتعمل كده
    دي حلوة اوي يا ياسمين مختصرة لدرجة تبهر ومتصورة جدا جدا
    ما شاء الله عليكي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: