عدنـا

هى دى الحياة .. ضحكتين وآآه
ضحكتينك عيشهم .. دمعتينك حوشهم
.

فعلا دوام الحال من المحال
فى لحظة كل شئ اتغير
الكمبيوتر باظ الاول وعطلنى جامد فى البحث
وبعدين بابا تعب اوى ونقلناه للمستشفى
غير إن اختى على وش ولادة والبيت فى حالة طوارئ
ده غير الحاجات اللى الدكاترة بتوع الكلية طالبينها
والمحاضرات اللى عايزة تتبيض
بس مع كل ده لازم تصبر وترضى وتظن فى ربنا الخير
وتقول بكل جوارحك وبأعلى صوت فى قلبك
الحمد لله على كل حال
الحمد لله انا بعمل البوست ده من البيت والكمبيوتر إتصلح الحمد لله
الحمد لله بابا رجع البيت وبقى احسن بكتير الحمد لله
والحمد لله إنى عندى مدونة اقدر افضفض فيها
المهم بقا يا جماعة بجد إنتوا وحشتونى جدا
وجزاكم الله خيرا كلكم على كل حاجة
بجد حسستونى إنى عندى ناس يمهم أمرى بجد
بيسألوا عليا وبيدعولى من قلبهم
ربنا يكرمكم جدا على الدعاء والسؤال والاهتمام
.
بس بقا انا حبيت اطمنكم على بابا

ويارب ربنا يتم شفاه على خير ويشفى كل مريض

وياريت تدعوا لأختى ربنا يقومها بالسلامة يارب
ويارب سنة رابعة والبحث يخلصوا على خير
.
.

دى كانت اخر اخبارى الكاميكازية

المهم إنتوا عاملين ايه واخباركم ايه ؟؟؟؟؟
.
.

إستنوا كنت هانسىىى

كاميكاااااااااااز بيسلم عليكوا

42 Responses to “عدنـا”

  1. حمد لله على سلامة الوالد وربنا يقوم أختك بالسلامةومبارك تصليح الكمبيوترويارب تجي للدكاترة فرة .. تخليهم ينجحوا طلبة سنة رابعة كلهم بامتيازاتسلامي لكاميكازيارب

  2. حمدلله على سلامة باباوان شاء الله ان شاء الله ربنا ح يقوم اختك بالسلامةابقي طمنينا عليها بأىعايزين نعرف ح تجيب بنوت والا كابتن

  3. السلام عليكمحمد لله علي سلامة باباكي ربنا يكمل شفاؤه علي خيرويارب تخلصي السنة دي علشان عارف بتكون طويلة قوي و بتتمني تخلص و هأقولك كلام الناس قالته لي لما كنت في بكالوريوس و مصدقتوش هترجعي تتمني يوم من أيام الكلية بجد أستمتعي بكل لحظة في السنة ديو يارب أيامك كلها تكون سعادة و فرحسلمي علي كيمكازسلام

  4. زغروطه حلوه رنت في بيتناحمد لله علي سلامة بابا يا ياسمينالحمد للهو ان شاء الله اختك تقوم بالسلامهبعد ما تجيب كاميكاز صغير او كاميكازايه صغيرهبس يكون أحلي من كاميكاز صاحبك:)

  5. يا جدعان جهزوا نفسكم..احنا الحمد لله دعينا بذمة وضمير عشان خاطر كلية ياسمين وكنا رجالة ووقفنا وقفة رجالة..وبعدها قعدنا ندعى لباباها والحمد لله ربنا كرمه وشفاه عشان كنا رجالة ووقفنا وقفة رجالة..دلوقتى ياسمين عايزانا ندعى لأختها ولازم ندعى عشان نبقى رجالة ونقف وقفة رجالة.. وبعدين هتيجى امتحانات آخر السنة ولازم ندعيلها عشان نبقى رجالة ونقف وقفة رجالة.. مش ملاحظة اننا بقالنا فترة واقفين عشان خطرك يا ياسمين ؟!

  6. حمد لله ع الســـلااااامة يا ست إنسانة . . . . ، وألف حمد لله على ســلاااامــــة بابا …. ، وورينـــا بقى نفسـك كده ربنا يوفقـك🙂

  7. حمد الله علي سلامة والديك الحمد لله انه رجعلوكوا بالسلامه و مبروك علي كمبيوتر انه اتصلح وربنا معاكي بجدف ي البحث وزي ما قلتليك اي حاجه قوليلي علي طول وانا هساعديك في البحث انتي عارفه كبكب بارع في كل المواد

  8. حمدا لله على سلامة الحاجوبخصوص سنه رابعه نو فير سبقني بالكلام الي كنت عايز اقولهتحياتي ليكي و لكاميكازhttp://1minelnas.blogspot.com/

  9. جميلة كلمة الحمد لله فى وسط الصعاب و الابتلاءات

  10. 7amd alah 3lasalmet ur father nd waiting for ur sister’s baby isa 7’eer

  11. حمدالله علي سلامة باباويارب اختك هي كمان تقوم بالسلامه ومبروك علي تصليح الكمبيوتروسلمي علي كاميكاز كتييييييييييير.

  12. الحمد لله على كل حال يا ياسمينوربنا يقوم أختك بالسلامةوالكلية تنجحى فيهاكمان يا ستىأى خدمة تانىعلى فكرةالدعوة بربع جنية وعادى بقةآه صحيحأنتى مدعوه لتشاركى فى الحوارعندى فى المدونةأودى

  13. وحشتينا ووحشنا كاميكازو حمدالله على سلامة الوالد و يارب يقوم اختك بالسلامةو يارب تنجحى و تبقى فى سنة رابعة و بعدين تتخرجى على خيرو الحمد لله ان انتى معانا و بتكتبى على الكمبيوتر بتاعك كمان

  14. حمد لله ع السلامةو حمد لله علي سلامتك والدك الحمد لله علي كل شئو ربنا معاكي في الدراسة و الكليةكلنا في الهم سوا:))و ربنا مع اختك ان شاء الله خيرشفتي ربنا معانا دايما ان شاء الله

  15. كان نفسى يكون أول تعارف بيننا فى ظروف أحسن من كده لكن عموما حمدالله على سلامة بابا وربنا يقوم أختك بألف سلامة وربنا معاكى فى الكلية وفعلا الحمد لله على كل حال ولئن شكرتم لأزيدنكم

  16. الف حمد الله على السلامة يا بنتي .. دا ايه دا كله … دايما المؤمن مبتلى صحيح .. الحمد لله رب العالمين ان كله بقى كويساتاريكي بقالك فتره ما بتقعديش عالنت يارب اختك تقوم بالسلامة لما دماغك تروق بقى ليكي تاج عندي يا عسل

  17. حمد الهه علي سلامة باباهو اهم منك طبعاكنا مرتاحين منك شويةههههههههههههههههحمد الله علي سلامتك انتي كمانسلميلي علي كامي

  18. ياستي حمد لله على سلامته وقعتي قلبنا في ركبنا وربنا يقوملك اختك بالسلامة هتبقي خالة يا مضروبة..يلا مبروك مقدماوحشتينا والله

  19. حمد الله على سلامة الوالد يا ياسمينوربنا يخليه لكموربنا يقوم اختك بالسلامه واعملى بوست مخصوص للبيبى الله يكون فى عونك ونسمع عنك كل خيرقلبى معاكى

  20. ma_3alinaالله يسلمك يا ماعلينا وأسفة بقالى كتير مش بدخل عندك ولاعند اى حد ولا عندى حتى يااااااااااارب يسمع منك ربنا ده انا مش طيقاهم .. ربنا يسامحهم بقاالله يسلمك كاميكاز باعتلك احلى سلام شحط محط يافندم:D

  21. فلةحبيبتى ازيكالله يسلمك ويكرمك ويعزكيارب إدعليها الله يكرمك وعقبالك يارب آمين

  22. No Fear وعليكم السلام الله يسلمك يارب اللهم آمين عارفة إن دى احلى ايام حياتنا والله بس بجد الضغط العصبى زايد علينا اوىىىى .. الحمد لله على كل حال اللهم آمين ربنا يكرمك يااااااارب كاميكاز بيسلم عليك اوى وبيقولك آخبار الكيمي كيمي كا ايه؟؟؟

  23. Utopianالله يسلمك يا يتوبيان ايه الزغاريط دى كلهاالبت إنجى إتجوزت ولا ايه ههههههههههههخد بالك كاميكاز ده مش صحبى ولا اعرفه .. هتودينى فى داهية ولا ايه؟؟؟

  24. أخف دم هههههههههههههههههههههايه الوقفات دى كله لا بجد رجالة وبتقفوا واقفة رجالة ورينى واقفة الرجالة كدة هههههههههههههههههههههمعلش بقا مانتوا لما تنزقوا هندعيلكوا برده إن شاء الله ويارب مايجبش اى زنقة لأى حد ياااااارب

  25. إبـراهيم … معـايــاالله يسلمكوا يا جماعة نورتونى بجد كاميكاز تعالى هنا .. وعندك واحد تعليق للأستاذ إبراهيم والتانى اللى معاه… كله بالورقة والقلم يا جماعة😀

  26. copaالله يسلمك يا كبكبوربنا يبارك فيك ياااااربوطبعا البحث ده متوقف على عبقريتك الفاذة بالمناسبة هو يعنى ايه الدمج والإستحواذ؟؟؟:D

  27. واحد من الناس الله يسلمك ويكرمك ياربكاميكاز بيقولكأهلا أهلا أهلا بيك مدونتنا بتحييك شرفتونا ترا را را رااام وأنستونا تيرا را را راام

  28. خطــابالحمد لله رب العالمينأهلا بيك لأول مرة وياريت تكرر الزيارة وكاميكاز بيسلم عليك وعلى صحبك

  29. Ma-3linaالله يسلمك ويكرمك يا مرام صحيح عرفتى انا مين ولا لسة؟؟؟:D

  30. esraaوحشتينى اوى يابنتى الله يسلمك ويكرمك ويبارك فيكىعلى فكرة كاميكاز بيسألك : إنتى مرتبطة؟؟؟؟هههههههههههههههه

  31. ody911 آمين يااااااربربع جنيه بس؟؟ من عنيا بس مش معايا فكة الصراحة الصراحة مش معايا فلوس من اساسه وعادى بقة😀

  32. khaledالله يسلمك ويكرمك يافندمأنجح وابقى فى رابعة؟؟؟ماهو انا فى رابعة ابقى فيها تاني إزااااااااى؟عاااااااااااااااااايلا ربنا يسامحك:D

  33. Epitaphالله يسلمك ياإيبىربنا معانا كلنا وربنا يسترررآمين يارب ياإيبى إدعيلها الله يكرمك كاميكاز فرحان أوى وبيسلم عليكى:D

  34. voice of loveالحمد لله المهم إنى اتشرفت بمعرفتك وتشريفك مدونتى المتواضعة الله يسلمك آمين ياااااارب جزاكى الله خيرا وأهلا بيكى لأول مرة وياريت تكررى الزيارة كاميكاز بيقولك : زورونا تجدوا ما يسركم:D

  35. Rivendell**سهااااااالله يسلمك ياحبيبتى وحشتينى أوى آمين يارب إدعيلها الله يكرمكومتشكرين على التاج يا ستى😦

  36. Amr Ahmedطبعا أهم منى الله يسلمك ياسيدىكاميكاز بيسلم عليك أوىىىىى:D

  37. بيسووالله يسلمك يا اختشى سلامة قلبك وركبك وطحالك ياحبيبتشى إنتى وحشتينى أكتررررررررأكترررررر أكتررررررر من روحى بحبكككك:D

  38. shikoالله يسلمك ياحبيبتى آمين يارب ربنا يكرمك آآآآآآآمين إدعليها بالله عليكىربنا يجازيكى كل خير يااااااارب

  39. حمدالله على السلامه ياجميل انا اول مره ادخل المدونه بتعتك بس لفت نظرى اسمهااتمنى ربنا يشيل عنك كل هم وربنا معاكى ياقمر

  40. ادخل عندى ضرورى جدا وانصر الطلبه المفصولينhttps://www.fnangeology.blogspot.com/ وسلااااام

  41. حمد الله عالسلامةنورتى بيتك ومطرحكويا رب يفرحك دايماويبعد عنك الهم

  42. حمد لله علي سلامة باباكي يا جميلةبقيتي خالتو ولا لسه؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: