إخصصص

ايه يا جدعان ؟؟

مالكوا بس؟؟

صلوا ع النبى كدة أمال

اسيب التدوين ايه وتجربة شخصية ايه وبتاع ايه بس

ده كل الحكاية انى قلت انا اسفة عشان فتحت المدونة والوقت مش ساعفنى اكتب فيها ولا اتابع باقى المدونات

ايه يا جماعة .. إهدوا بس

مكنتش اعرف ان الموضوع كبير اوى كدة

مظاهرات على باب المدونة وخبط ورزع ع الباب والشباك وبتاع

والواد كوكو لسة راجع من فترة عيا كدة وبياخد نقاهة ياعين امه فى المدونة

ومطفى النور ومشغل اغنية سيد الحبايب يا ضانيا انتا

وقاعد فى امان الله

تقوموا تعملوا فيه كدة؟؟

ده كان ناقص نسمعها فى الأف إم والبي بي سيتر وقناة الجزيرة وقناة تصبح على خير للسياحة

ايه ياجماعة انتوا ماصدقتوا ولا ايه؟

لسة بنطق واقول اسفة

لاقيتكم ناطين فى وشى وبتقولوا لاااااااا

مانتى قاعدة

طب نجيب قهوة

طب حلبسة

طب اى حاجة طيب

طب ماتقطعيش الجوابات بس

طب يلا غورى من هنا بقا

لالالا بجد مخصماكوا

اخص اخص اخص

لا بجد اخص عليكوا اخصصصصص

كدة تظنوا فيا الظن البطال ده؟؟

انا اقفل المدونة بتاعتى اللى كاميكاز بياكل منها عيش؟

انا؟

انا اقفلها على صوباع الواد كوكو اللى جايبه بالشئ الفولانى من عمر افندى؟

انا؟

مكنش العشم يا بشر

المهم نرجع للجد بقا

هو كله هزار ولا ايييييه

احم احم

انا فعلا معنديش وقت اكتب اى حاجة والله يا جماعة

بس عشان القلق اللى بتعملوه ده ان شاء الله احاول اكتب بين الحين والاخر

واحب ان اضيف ان كاميكاز قاعد على قلبكم لطولون

مين طولون ده؟

ومش حيتعتع بالساهل ومحافظ على مكانته ومفاتيح المدونة كويس اوى

ونحن نقف بالمرصاد لكل من تسول له نفسه ويفكر ان يزعزع أمن المدونة

لااااااااا وألفولة لااااااااااا

هو ايه اللى انا بقوله ده؟؟؟

المهم حقكوا عليا لو كان حد اضايق من البوست اللى فات

وبجد مش عارفة اشكركم ازاى على اهتمامكم بيا وبكتاباتى

جزاكم الله خيرا بجد

وكل سنة وانتوا طيبين عشان رمضان بقا

واللى عايز يجيب لكوكو الفانوس مافيش مانع طبعا

بس عايزينه من اللى على شكل توك توك الجديد ده

ويكون بيغنى الاغنية العريقة

الدنيا خرباااااااااااانة

17 Responses to “إخصصص”

  1. فاتيما Says:

    يا ست اومال إنتى فاكره إيه يعنى ؟
    إنتى غالية عند ناس كتير
    حمدلله ع السلامة
    و كل سنة و إنتى طيبة
    رمضان كريم

  2. مي ... چــِنـيـن ... عيلة و عايزة أفهم Says:

    هههههههه

    معلش يا سمسمة اخر مرة

    و بعدين الناس تعمل ايه يعني … تزرعين الشك في قلوبهم ثم تولين مدبرة .. و مش عايزاهم يسألوا و لا يقولوا البنت حصلها ايه ؟؟

    إنه لأمر عجيب …

    عموماً الموضوع اتضح دلوقتي … و اول مرة اعرف ان كاميكاز كان عيان … كنت فاكراه تايه بس … ألف سلامة
    : D

  3. لماضة Says:

    تصفيق حااااااااااااد
    انتي كنتي تقدري يابت تخلي اصلا
    كنت موتك
    ماشي متتاخريش بقى
    والا هعضلك كوكو

  4. حمد لله على السلامه يا قمر وكل سنه وانتى طيبه

  5. انا مليش في كل دا

    انا اهم حاجة عندي أني اقولك كل سنة وانتي طيبة يا أنسانة

    ومتنسيش في وسط زحمتك تجيبي فانوس لكوكو بتاعك

  6. مهندس مصري Says:

    أيوه كده
    اهو ده الكلام اللي ما يزعلش
    بدل ما كنت حأشجب و اندد بشدة لفقدان عالم التدوين لإنسانة و كاميكاز
    وكل سنة و انتي طيبة

  7. حمد الله عالسلامه ورمضان كريــــم

  8. نبض اسكندرية Says:

    والله انا ما عارفة اية اللى حصل

    واشهد الله انى لم اشترك فى اعمال المشاغبة

    هو فى اية بالظبط؟

    ماعلينا ازيك يا احلى انسانة عاملة اية وكوكو اخبارة اية؟

    كل سنة وانتى طيب يا جميل

    ورمضان كريم

  9. السلام عليكم
    طيب إحنا اللي فهمنا غلط
    حقك علينا
    حمد لله علي السلامة
    و كل سنة و أنت طيبة

  10. عصفور المدينة Says:

    كل عام وأنت بخير يا إنسانة
    🙂

  11. Welcome Back🙂
    Ramadan Kareem

  12. جوايا شئ نفسه يشوف النور Says:

    اهلا بعودتك من تانى
    انا متبعاكى من زمان
    وزعلت لما كتبتى بوست اسفه
    بس فرحتينى بعودتك
    اوعى تغيبى تانى

    تحياتى اليكى
    🙂

  13. بنت أبيها Says:

    امال ايه

    فاكراها بالساهل كده ولا ايه

    هوه دخول الـ زي خروجه ولا ايه

    فرحت بالبوست ده

    يادانه في البحور

    يازهره بين الزهور

    أهنيك بقرب رمضان

    زينة الشهور

  14. د/اجدع بنوته Says:

    طب تمام

    كويس انك بخير

    ومش هتتهورى وتعملى اللى كنا بنظن فيه

    كل رمضان وانتى طيبه

  15. حمدا لله على سلامتك يا ياسمين بجد فرحت اوى انك هترجعى تانى بس بصراحة انتى الى غلطانة انتى حسستيني انك هتبيعي الكمبيوتر بتاعك اصلا مش بس مش هتكتبي المهم الحمد لله انك رجعتى بس عايزين نشاط باه على فكرة انا متابعاكى من زماااااااااااااااان من اول بوست ليكي انا لسه بدأة فى التدوين قريب كده بس على ادى نفسك معانا باه وتيجي بالسلامة ومستنياكي تنوري مدونتى الصغنونة

  16. abo salah Says:

    بعد السلام عليكم

    ماشي ياستى
    احنا محقوقين ليكى

    أما احنا ناس سيئة الظن صحيح
    هههههههههههههههههههه

    هوا دا الكلام
    وحمد الله على سلامتك

    منتظرين كتاباتك

    تحياتى
    وكل سنة وأنتى طيبة وإلى الله أقرب

  17. أحلى حياة Says:

    يحرمكيش منه ياختي يااااااارب ماحييتي

    ههههههههههههههههههههههههههههههههههه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: