لما اموت

مش عارفة ابدأ ازاى ولا اقول ايه

بس لازم اتكلم قبل ما يجرالى حاجة

عارف احساس لما الناس القريبة منك تبقى مش طايقاك

وبيتصيدولك الأخطاء عشان ياخدوها عليك

ومافيش مانع من شوية زعيق

على شوية اهانة

على شوية ظلم

على تصدير احساس بإنعدام اهميتك فى الدنيا كلها

مش عندهم بس

انا بجد تعبت يا جماعة

ونفسى اريحهم بردو ونفسى انا كمان ارتاح

ساعات بسرح وافكر

ياترى حيكون ايه رد فعلهم لما يجيلهم كارت شيك كدة لونها بمبى

وعليه فيونكة مفرحة

كأنه دعوة فرح رقيقة جدا

ومكتوب جواه

افرحوا

هايصوا

البت اللى مضيقاكوا كلكوا راحت خلاص

ومكتوب فى النص

بخط كبير ولون مختلف

ياسمين ماتت

حينبسطوا … مش كدة؟؟

مش عارفة ليه حاسة انهم حينبسطوا اوى

الحمد لله على كل حال

واسفة على الازعاج

ربنا افرغ علينا صبرا

اللهم آمين

30 Responses to “لما اموت”

  1. ليه كده يا ياسمين بقه اول زياره ليه عندك الاقي الحزن ده كله؟؟؟؟؟؟؟؟؟يا بنتى عيشي وافرحى واللى بتحسي انهم مش بيحبوكى انتى كمان مش تحبيهم ابعدى عنهم وابعدى عن اى شئ واى شخص ممكن يزعلك انتى هتعيشي مره واحده مش مرتين واللحظه اللى بتبكي فيها ممكن تضحكى ومتنسيش ان كله بيعدى والله يا بنتى ياااااااااما الواحد مر بجاحات وجراح من اغلى واقرب الناس لكن هى الدنيا كده يا غالب يا مغلوب يا حارح يا مجروح واوعى تقبلي تكونى المغلوبه انا نفسي اقولك اكتر من كده مليووووووون مره لانى حاسه بيكي رغم امى معرفكيش والله بس لو محتاجه صديقه حقيقي مش هتكرهك ف يوم فدى اول مره اعرض على حد صداقتى بدون خجل لو وافقتى يا حبيبتى انتى عارفه طريق المدونه منين روحى اكتبيلي رد ونتفق …كل سنه وانتى طيبه يا قمر ومنتظره ضحكه كبييييره

  2. يا حبيبه قلبي عمر الناس ما بترتاح لفقد انسان عاوزه اقولك بس افهمي كلامى صح ممكن يكون فى تخيلك كده للناس دي وممكن يكونوا بينقدوا تصرفاتكم لحبهم ليكى ولو قولنا انهم يقصدوا كده فعلا فبصى للجانب التاني ان فيه ناس محتاجينك ومتاثرين بوجوك وانتى مهمه ليه منهم انا اهو بتابعك واشوف اخبارك ياسمين عدي المرحله دي بسرعه واستغفري ربنا

  3. وَلَئِنْ أَذَقْنَا الإِنْسَانَ مِنَّا رَحْمَةً ثُمَّ نَزَعْنَاهَا مِنْهُ إِنَّهُ لَيَئُوسٌ كَفُورٌوَلَئِنْ أَذَقْنَاهُ نَعْمَاء بَعْدَ ضَرَّاء مَسَّتْهُ لَيَقُولَنَّ ذَهَبَ السَّيِّئَاتُ عَنِّي إِنَّهُ لَفَرِحٌ فَخُورٌإِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌكله بيعدي استعيني بالله و اصبريو الايام دول

  4. لأ ماتقوليش كدة ربنا يكرمك وتقابلى ناس يقدروكى , ربنا يصبرك ويهدى الجميع عليكى

  5. أقولك حاجة لما بنكون زعلانين بنقول كلام مش عارفين معناه بس لما نصفي قلوبنا ونفكر في اللى احنا قولناه بنلاقيها كان ولا مؤاخذة لعب عيال صدقيني لو الكارت ده وصل للناس اللى يعرفوكي صدقيني هيزعلوا عليكي يمكن مش بيبينوا قصادك كده بس أنا متأكد إن الإنسان بيشوف حاجات كتير غلط ربنا يصلح أحوالك ويرزقنا ويرزقك حسن الخاتمة

  6. ربنا يبارك في عمركانا كمان ساعات كتير بقول زيك كدهبس برجع واقول بلاش يأسودنيتنا رحلة قصيرة بنحضر فيها لبيتنا اللي بجد واللي يا رب يكون في الجنةوبدام ربنا اراد و جينا الدنيا يبقى لازم نسيب فيها بصمة خير انا متأكده ان دي فترة مؤقته وان شاء الله هترجعي متفائلة تانيربنا يرضى عليكي ويكرمك ويفك كربك

  7. صعب جداً البوست دهمش عارف أقول إيهبس الواحد لما بيتحط فى مشكله بيعوز شويه صبرزى ما فيه ناس بتكرهك أكيد فيه ناس كتير بتحبكودا ما يزعلشأنا جربت الوضع دا من تلات اربع سنينمع بعض الأشخاصو والله هم الأن بعد ما بعدت عنهم يتمنوا إنى أتكلم معاهم أو أنظر لهم نظره بسوأنا محبش حد يكرهنى علشان كده رجعت أكلمهم علشان ميبقاش حرامولكن كل واحد يحاول دور حوليه أكيد فيه ناس بتحب له الخيرودول فى المسجدودائماً بيحرصوا على الخير والعمل الصالح مع بعضولو الواحد منهم قصر فى طاعة أكيد بيلقى أكتر من واحد يرجعه تانىالدنيا لسه فيها خير كتير أوىوهيفضل فيها خير أن شاء اللهنخلى أملنا كبير فى ربناونحاول لما تعترضنا الحياة بسوء نلجئ لههو وحده عند حل كل مشاكلنانصلى ركعتين ونشتكى لهنحاولربنا يشرح صدورنا جميعاًتقبلوا مرورىدمتم بخير

  8. اية ياياسمين الكلام دة حرام عليكى بصى لو لم تكن الحياة صعبة لمل خرجنا من بطون امهتنا نبكى ولو كانت وردة لنجح الجميع بستنشاق رحيقها احلى حاجة قربى اقوى من ربنا فى الوقت دة وسدقينى حترتاحى اوى احكيلو واشكيلو حيسمعك وياخد بايدك ان شاء اللة ومش عيزة اسمع منك الكلام دة تانى عيزة البوست الجديد كلة ظئططة اة صحيح فين كميكاز ازاى سيبك فى الحالة دية معلش طولت عليكى انا مستنية تزرينى فى المدونة بتعتى وتقوليلى اية رايك وربنا يفك قربتك يارب

  9. ياه على البوست الكئيب دهايه ده يا بنتيفين هزارك و ضحككعموماً نصيحتي ليكي تقرأي قرآن كتير و تدعي ربنا يصلح لك الأحوال و يكرمك بكل خيرو حأدعي لك:)

  10. ليييييييييييييهانشالله اللى يزهقك يطق يموتيا بنتى كل واحد ينام على الجنب اللى يريحه و زى ما فيه اللى بيحبك زى ما فيه اللى بيكرهكو صدقينى عمر الموت مبيريخ حد و دايما اللى بنموت فىه لكا يموت نزعل عليه شويه و بعدين الحياه بتستمر فمتتوقعيش ان بموتك حد هيفرح او يحزندى حياتك انتى لا حد هيعيشهالك و لا هتعيشى حياتهمكلنا مرينا بالاحساس دا و التفكير دا و لكن مينفعش نجنى على نفسنا و نحكم عليها بالتعاسه عشان شويه اراء لناس يمكن يكونوا هما ذات نفسهم مش الامله يعنىعيشى انت و اللى مش عاجبه البلد كلها حيطانشكلك رقيق اوى حاولى تستمتعى بحمال الحياهالدنيا ياما لسه فيهاتحياتى تشااااااااووووووووو

  11. السلام عليكمحيندموا على كل لحظه زعلوكى فيها ويقولوا لو ترجع ثانيه من وقتكحزينه

  12. ياربي علي وجع القلببعد الشر عنك ياياسووياحبيبتي ارمي حمولك علي ربنا وهو هيحلها ان شاء اللهانا مش عارفه في ايه بسان شاء الله ربنا هيريح قلبك ويصلح بالك

  13. معنديش حاجه اقولهالك اكتر من اللي قلتهولك امبارح وياما اتكلمنا فيه قبل كده عشان متهيالي ان البوست دا ع الموضوع اللي حكتيهولي امبارحاستعيذي بالله من الشيطان واطردي الافكار العجيبه دي من راسك واستعيني دايما بالله وكوني على يقين انه دايما معاكي وفي صفك وحينصرك باذن الله ويعوض صبرك كل خير وبكره تقولي توم قالمش محتاجه طبعا افكرك بالدعاء اللي دايما تقوليهولي “رب إني مغلوب فانتصر” وطبعا المداومه ع الذكر والاستماع ليه كمان وانا متاكده انك بتعملي دا كله واكتر منه كمان ما شاء الله من غير مااقولكربنا يريح بالك ويطمن قلبك وييسرلك الخير حيث كان ويرضيكي بيه ياياسمين ياربمش حاوصيكي بقى بالدعاء ليه انا كمان ;)وخصوصا الدعوه اياها اللي انتي عارفاها :$

  14. بعد الشر عليكىعارفه انا سعات كتير بمر بفتره زاى دىوصدقنى علاجها الوحيد هى سياسة النفس الطويللان عمر حالة الاتضهاد دى ما هتستمر للابدهيجى عليهم وقت ويزهقوالازم نكون احنا اصحاب النفس الطويل والاعصاب الباردهظاهريا على الاقلولنفكر لما يدفعهم لذلكوان لم نجد ما هو منطقى لذلكفلا عليكى وكبرى دماغكتحياتى

  15. على تصدير احساس بإنعدام اهميتك فى الدنيا كلهاجملة تركت أثرا في نفسيلك طولة العمر

  16. ياسميناولا اسال الله لكى ان يفك كربك ويفرح قلبك ويشرح صدرك اللهم امين يارب العالمينياسمينالدنيا سجن المؤمنشوفى حواليكى مش هاتلاقى حد كويس كل واحد عنده هموم قد الجبالولولا ايمانا بربنا وانه ربا رحيم وعدنا بالنصر واليسران مع العسر يسر ان مع العسر يسرفلن يغلب عسرا يسريينلكنا دفنا نفسنا احياء وتخلصنا من هذه الدنيا اللى كلها الام وفراق وعذابات فوق طاقه النفساجمل ما فى هذه الدنيا انها لها نهايه قصرت او طالتفصبرا جميل والله المستعان على ماتصفونانما يوفى الصابرون اجرهم بغير حسابىهونى على نفسك حبيبتىكلنا نعانى

  17. وحالة اليأس دي هي الدافع الرئيسي لانهم يتمادوا في اللي بيعملوه مش لازم ناخد الموضوع بالشكل ده خصوصا اننا داخلين على العشر الاواخر حاولي تبدأي انتي من نفسك وتقربي منهم وهاتلاقي الفرق كبير باذن الله تعالى ربنا يفك كربك ويفرج همك يارب تحياتي

  18. تصدقي وتؤمنى باللهانا والله العظيم عايشه في الاحساس ده ليل نهار وكل يومويوم عن يوم بيزيد بعد والعمل ايه يعنىسلمى امرك لله وعاملى ربنا في كل الناسومادام انتى عارفه انك جواكى كويسهولا يهمك من اى حاجهانت فعلا قلبتى عليا المواجع

  19. ياسمينا حبيبتىاستغفرى الله واستعيذى بالله من الشيطان الرجيم واتركى حالتك دى لحد تانى مش مسلم ومش صايم احنا المسلمين غير كده خالص لينا تفكير مختلف عارفين ان الامر كله بيد الله وانا مش هقدر اقولك حاجه عن الناس دى لاأنهم أكيد من المقربين ليكى ولكن عليكى بهذا الدعاء”اللهم اكفينيهم بما شئت وكيف شئت انك على كل شىء قدير واذكار الصباح والمساءداومى انتى بس عليهاكل يوم واستشعرى بفوائدها ياسمينا ممكن اطلب منك طلب ممكن ابعتلك رقم موبايلى واكلمك او حتى اكلمك على الاميلابعتيلى لو انتى عايزه تكلمينى على النت او على الموبايلوهكون سعيده جدااذا سمحتيلى بهذه الفرصه

  20. السام عليكمانا معكي انا الناس اللي الواحد يحس انه قريب منهميكون اول ناس يجرحي الواحدبس مش معني كده اني افقد الثقة في نفسيوا اني اتمني شئ ضد نفسي علشان هم يرتاحوالراحة بالنسبة لك انك تتغاشي عنهم وعن افعالهم

  21. هذه زياراتى الأولى لمدونتك الجميلة وأتمنى أن تجئ زيارتى القادمة وأنت فى أفضل حال ، أهدأ قلبا وأطيب نفسا فلا تزال الحياة المجدبة بها بعض الجمال بفضل الله .. تشرفنى زيارتك

  22. السلام عليكمالغريب إن أنا لسه كاتب من دقايق بوست قريب من ده بس بجد يا ياسمين أكيد محدش هيفرحك لما لاقدر الله حصل اللي بتقوليهو بعدين بلاش الأفكار السوداوية ديده حتي إحنا في في رمضان شهر الغفران و الرحمة و الهداية من ربناادعي ربنا قوي إن شاء الله يهديكي و يكرمك و يفك كربك إن شاء اللهالواد كيمكاز ممكن ينتحر لو حصل لك حاجة حرام عليكي يا شيخةيرضيكي كده عمال يعيط أهوة

  23. صدقيني الحياه رغم ما بنمر فيها بمواقف او حاجات بتزعلنا وتشيلنا الهموم.. إلا انها سبحان الله بأقل موقف او كلمة حلوة بننسى بسرعةودي نعمة ربنا علينا.. النسيانوان مع العسر يسروان شاء الله الجي أحسنجددي حياتكاكسري الملل او الروتين اليومي لحياتكغيريها بأي شكل لأي حاجة تانيةوان شاء الله خيرتحياتي

  24. ياخبر دا كلام يا ياسمين بعد الشر عنك متخليش الشيطان يتمكن منك حاولى تستغفرى ربنا وابتعدى عن اللى بيضايقوكى ولازم تعرفى انك طول ما انتى عايشة هتشوفى حاجات كتير تضايقك فلازم تقدرى تتغلبى عليها ربنا معاكى

  25. انا برضوا مع راي انك تغيري حياتكجددي في كل حاجة في حياتكواولها المدونة ولونها الاسودواستغفري .. لعلها ذنوب بتخلص منكوانا واثقة اكيد مليون في المية انهم مش هيفرحوا خالصوبعدين خلي عندك معلومة انك مش هتقدري ترضي الناس كلهافوازني بين امورك … وخلي عندك صبر واقناع

  26. تعليقي علي ” إنـســـــانـة ” بوست “لما اموت” تاريخ الإنشاء ‏27‏/09‏/2008‏ 01:57:00 مياسمينازيك ويارب تكوني سعيده وراضيا عن الدنيا وعن ربنا وعن قدركدي يمكن تاني مره ادخول مدونتك وبالأخص البوست ده ..بصراحه اثر فيا.بصي يا ست ياسمينا وده اسم بنت اخويا وحبيبت قلبيمش بنختار اهلينا .. صحومش بنختار دنيتنا .. صحومش لازم نقول اننا السبب في كل الي بيحصل لنابس المهم نشوف الدنيا صح ونشوف نفسينا برضو صح أأويياسمين انا ده كان صراعي وانا صغير كنت حاسيس بكل الي انت فيه .. كنت بعيط كتير و كنت مرفوض أوي من أهلي .. وكنت عنيد وكنت ….0المهم اني دلوئتي حاجات كتييير اتغيرت ..أخواتي بقو صحابي وابوي كبر وبقي متفاهم اكتر .. فهمت كتير وعرفت من قرائتي اكتروعرفت ان الدنيا مش أفش.. ولا انك تنتقمي من نفسك.. إلا ده ياياسمين…إلا طريقة التفكير دية هم ..بجد نصحتي الي خرجت بيها النهارده بعد 33 سنه اياك تفكري بالطريقه ديمشكلة اي انسان في الدنيا أزاي يستقبل الي بيحصله والي بيحصل حوليهانت بتستقبلي الأهانه أزاي..؟شايفه اهلك أزاي …؟شايف نفسك من أعماقيك منجوي أزاي ..؟اكتبي .. وأكتبي .. وشوفي كتبتي ايه ؟؟اقرائي انت شايفه كل ده أزايوكأنك بتشوفي الصوره من بعيد ..هتصعب عليك نفسك مش مشكلههتشوفيهم مجرمين في حقيك مش مشكلهالمهم تشوفي صحوتسمعي صوتكاسمعيه صح وبالطبقه الصح(تعرفي انا عمري ما علقت علي حد بكل الكلام ده ..تعرفي انا عنيت نفس المعناه الفرق اني ولد وانت بنت .. وخايف عليك من طريقه نظرتك للموضوع )يمكن اكون ببالغ .. ويمكن يكون الكلام ده لي .. لنفسي اكتر ما يكون ليكي يا ياسمينا الرقيقهانا متأكد انك حساسه .. انا كنت كده اي موقف يأثر فيا و تصعب علي نفسيبس انا برضو كنت مقصر مع نفسي ومع الي حولياكنت كسول .. وماكنتش بعمل الي علياكنت عايز أغير من متغيروده كن مش ممكنوعاشن اغير لازم اتغير من جوهيعني اتعب واروح واشقي وادوء طعب العرقكل الناس حوليا هيعملوني بطريقة تانياممكن يكونوا ظلمين ..بس ليهم عزر هم مش عارفين يعملوا غير كده .. لو يعرفه هيقدمو الخيرولو انت متي هيعيطوا وهيزعلوا .. وعلي الفكره انت عرفه كده وعشان كده نفسك يعيطو فتموتي وتفرحي بانهم افتكوكي وزعلوا عليكي وكمان ندموا علي كـــــــــــــل الي عملوه فيك وأزوكيماتنتقميش يا ياسمينا من نفسك ارجوكي مادمريش حياتك وتغلطي زاي اقرائي كلمي مره واتنين وحاولي تفهميهانا تعبت والي تعبني مش أهلي .. الي تعبني كانت نفسي لما كبرت الكوم وشافت الي بيحصلي تفرقه عنصريه واني انا المقصود وان فوق راسي بطحه واني وحش وانهم مجرمينوقررت ابعد بس ماكنش ينفع ابعد بعدي كان بيذود العنف ضدي عشان احنا كلنا عيشين في بيت واحدانا طولت عليكيويمكن انا بنصح من خلال تجربتي ومن خلال رؤيتي لظروفي وأسريتياكيد هيكون في أختلاف بس برضه اكيد هيكون في تشابهالي عجبني فيك انك قريبه من ربنا في كلامك حولي تطلبي منه انه ينور ليك طريقكومتسمعيش الكلام الي بيقول “واللى بتحسي انهم مش بيحبوكى انتى كمان مش تحبيهم ابعدى عنهم وابعدى عن اى شئ واى شخص ممكن يزعلك”ده كلام بيذيد النار و يولعممكن تقوليلي هتعيشي ازاي وتضحكي أزاي وانت بعيد عن اهلك..؟هاه..؟ في الغلط ولا فين..0؟واسمعي كلامAppyنصحتي في الأخر ” أهلك لا تهلك “وكده انا طولت بجد سلام وارجوا انك تطمنيني عنك

  27. ايه يابنتى دا انتى شكلك كده حكايه كبيرهبس فى مخيلتى بدل الكارت انك تساليهم ايه اللى حصلاكيد حيكون احسنوبعدها تبدائى تفكرى ايه اللى حتعمليه بعد ما تسمعيهم بس طبعا عمرها ما توصل للكارت وياسمينا راحتاكيد مش حل ;)وربنا يوفقك يارب

  28. ياااااااااااه …انتى عارفة ان انا فكرت مرة اكتب حاجة بتخيل ان انا مت و الدنيا هتبقى عاملة بعدى ازاى فى حياة كل اللى يعرفونى لما أموت ….!!!!ربنا يطوللنا فى عمرك يا سمسم

  29. خلينا نتكلم بنفس النبرةكام واحد يعني – مع تحفظي على الكلمة – هيفرح بموتك ؟10 .. 20 .. 100100 بيكرهوكيطب كام واحد بيحبك و انت بالنسبة له جزء لا يتجزأ من حياتهواحد .. اتنين .. خمسةفلنفرض خمسةما يستاهلوش دول إنك تفكري فيهمهيبقوا عاملين إزاي لما تخرجي من حياتهم للأبدبلاش علشان نفسكيرضيكي اللي هيحصلهمعلى قلتهم .. هما اللي يستحقوا عناء إننا نفكر فيهماللي بيكرهوا كتير .. بس اللي بيحبوا عملة نادرة دلوقتو نعمة .. تستحق إننا نحافظ عليها و نحمد ربنا إنها موجودةربنا ييسرلك الأحوال و يزيح عنك الهمسلامـُـه عليكم

  30. بعد الشر عنككككك ده اولاطيب بدل ما تتخيلي احساس عدم وجودك مع الناس دولليه ما تتخيليش تاثير وجودك فى حياة ناس تانية اكيد محتاجاكي ياسمينغيري الناس اللى تعبوكي شوفي ناس تانية يقدروا يخلوكي تحبي وجودك في حياتهمولما تعملي كده ابقى قوليليلاني مش عارفة انفذ ولا حرف من اللى كتبتهم فوق دول:)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: