شنطة حمزة

ممكن جدا تكون ماشى فى الشارع وشايف واحدة ع الرصيف التانى ماسكة شنطتها

ومدخلة راسها جواها وعمالة تحاول تتطلع حاجة معينة ومش عارفة

وطبيعى جدا بردو تكون فى اى محل وتلاقى بنت فاتحة شنطتها

وبتحاول تطلع لصاحب المحل اى حاجة وبردو مش عارفة

ويترسم على وشها كل علامات الدهشة والإستغراب

اللى تخليك على طول تفتكر جملة عبلة كامل الشهيرة فى مسرحية وجهة نظر

( كانت معايا ! .. كانت معايا فى الشنطة .. ثم تنخرط فى بكاء عميق ليسارع بالرد محمد صبحى مسائلاً:

هيا شنطة عربية ولا ايه؟؟؟)ه

مش عارفة كل البنات شنطهم زى شنطتى ولا لأ

بس ده حالى عموما

وحالى مع شنطتى حبيبتى الملقبة دائما وفى كل المحافل بشنطة حمزة

شنطة حمزة موجود فيها كل شئ

كلللللل شئ

مناديل

أقلام

أوراق

صور

مقلمة

محفظة

أدوات مكياج

كتب
ه
مصحف
ه
كتاب أذكار
ه
دبابيس

أزايز مياه

كوباية

سبح

( يعنى اكتر من سبحة عشان لو ماعرفتش اوصل لواحدة آخد اللى قدامى على طول )ه

ريدار

فلاشة

إم بى فور

سبراي وبرفان

كاميرا ديجيتال

موبايل

مفاتيح

شيكولاتات وبومبونى
ه
لبنان
ه
بسكويت
ه
مصاصة

تفاح

زبادى

جزر

خيار

شاحن الموبايل

شاحن الكاميرا

شاحن الإم بى فور

شراب
ه
جوانتى

اكسسوارات

المفكرة بتاعتى

مبرد

قصافة

مقص

مشط

توك شعر

فرشة سنان

معجون السنان
ه
صابونة
ه
فوطة
ه
أدوية

مراهم

الساعة
ه
كروت
ه
ضمان الموبايل
ه
سماعات

وما خفى كان أعظم

ده طبعا غير الزبالة اللى المفروض تترمى بس مش بلاقى باسكت قدامى

فبقوم حطاها فى الشنطة بدل ما اوسخ مصر اكتر ماهى متوسخة

شوفتوا الطيبة؟؟؟؟؟؟؟؟؟؟؟؟

طبيعى جدا ان شنطة حمزة تكون تقيلة جدا

ولو اديتها لحد يشلهالى يصوت

ولو حد ماشى معايا وحاول يرصد تصرفاتى مع الشنطة يركبه الإسبهلااااال

وطبيعى اوى بردو اكون فى موقف محتاجة فلوس وادور واقلب الشنطة

وملاقيش حاجة واول مااروح البيت وابص فى النور الاقى الفلوس ع الوش !ه

وطبيعى اقلب الدنيا ع البطاقة ومالقيهاش غير فين وفين

وطبيعى يبقى اسمها شنطة حمزة … مش كدة؟؟؟

حاولوا كتير معايا يعرفوا سبب الكراكيب دى كلها اللى جوا الشنطة

بجد مش عارفة سبب واضح

وليه اصلا ممكن واحد يمشى من غير شنطة اساسا

والبنت يجرالها حاجة لو نزلت من غير شنطتها

والله ماعرف بردو

يمكن لان احتياجاتنا كتير؟؟؟

ممكن

بس اللى اعرفه انى مقدرش انزل من غير حاجة واحدة من الحاجات دى

ولو حصل ابقى حاسة ان فى حاجة نقصانى وانى ححتاجها

وفعلا سبحان الله بحتاجها فى اليوم اللى نسيتها فيها

بس بردو .. ماتستغربوش لو لاقتونى ماشية فى الشارع بالموبايل بس

خصوصا لو نازلة اعمل شوبينج

يعنى حشترى

يعنى حشيل تقيل

والشنطة لوحدها تقلة .. تيجى كام كيلو كدة

يبقى حشيل الحاجات ولا اشيل الشنطة؟؟؟

لدرجة انى مرة كنت مع ماما واشترينا كتير وبقت ياعينى مش قادرة تشيل

ولا انا كمان من تقل الشنطة

قمت مدياها شنطتى بس تشيلها وشلت انا الباقى عشان اعرف اكمل المشوار

ورجعنا هلكانين ومن يومها بقيت اتسوق بالموبايل بس

وطبعا حبيبة قلبى ماستغناش عنها

شنطة حمزة

شنطة كل الاوقات

وكل المشاوير

وكل المسافات

وكل السفريات

بس بجد ياجماعة

سؤال زهقنى من كتر ما سألته ومافيش رد

مين حمزة ده اللى انا شايلة شنطته ؟؟؟؟؟؟؟؟؟؟؟؟

17 Responses to “شنطة حمزة”

  1. مـحـمـد مـفـيـد Says:

    ده انتي شايله كارفور في ايدك

  2. يسعدنى انى اكون اول تعليق

    ل

    رومانسى

  3. ممكن ما يوكنش اول تعليق

    بس هقرى وارجع

  4. لا بجد الله يكون فى عونك كل دا بتشيليه لوحدك فى شنطه حمزه انا بحمد ربنا ان مش عندى شنطه حمزه ولا حاجه بس احلى حاجه شيلها فى شنطتك

    شيكولاتات وبومبونى

    تفاح

    زبادى

    جزر

    خيار

    كلها حاجات مغذيه وكمان انتى عامله حسابك انك تغسلى سنانك بعد الاكل
    وبعدين مين حمزه اللى انتو ظلمتوه دا

  5. ~*§¦§ Appy §¦§*~ Says:

    لا انا شنطتى مش كل ده انا منظمه شويه
    عنك حولى تفصلى اما عن حمزة فوالله ما اعرفه ان شاالله اطفحه يا رب ههههههههه

  6. رئيس جمهوريه نفسى Says:

    اللى انا واثق فية بصراحة انى مع تقل الشنطة حمزة بيدعى ليكى انك ريحتية من الشنطة وبعد ما قريت البوست احمدك يارب على نعمة الجيب الخلفى للبطنلون والموبيل فى اليد وكفا اللة المومنين شر القتال

  7. وضّاح Says:

    ماشاء الله

    في عندي اقتراحات أخرى
    إبرة
    خيط
    فوطة
    صابونة
    فوطة صفرا (أيوة بتاعة التاكسي)
    أكياس مناديل
    ألبوم صور.. لا تنسي أن تجعليه مملوء لآخره
    كتاب أو مجلة أو كلاهما
    مصحف
    كتاب أذكار

    وأخيرا.. شخص يحمل لك الشنطة

    ربنا يعينك
    🙂

  8. عـلا - من غـزة Says:

    هادي مش بس شنطة حمزة

    هادي شنطة حمزة وعلي ومحمد واحمد والحارة كلها

    :p

    ايه يا بنتي !!

    معقول بتحتاجي كل هادي الاشياااااء ؟؟؟

  9. محمد أبو الفتوح Says:

    أنا ماليش ف مواضيع البنات دى
    بس بعد اللى قريته بحمد ربنا انه خلقنى راجل
    و لا حمزه بقى و لا غيره
    البنطلون ع القميص و لو لحسة كريم شعر يبقى رضا قوى
    و انزل اشق طريقى ف هوا الشارع اللذيذ
    و كمان أنا مخلوق ليلى و الليل ياما بيدارى
    و اذا كان ع الكرش مافيش غيره
    هاداريه ليه
    و لو حاولت هاداريه بإيه
    أهو عاملى شخصيه برضه
    أنا بقى بدل شنطة حمزه شايل كرش حمزه و اتقل من الشنطه كمان

  10. و القادم....أجمل Says:

    ههههههههههه
    لا كده اوفر يا ياسمين
    دا كله لييييييييييه
    ههههههههههه

    أنا مبدأتش أشيل شنط الا السنة دي
    :\

    ربنا يعينك ياااااااارب

    😀

  11. اه يا بنتى تفاح ايه و شكولاته و عصير

    انتى شايلة التلاجة مهاكى !!

    ههه انا برده كدا بس اخر حاجة اشلها الاكل و شاحن الموبايل :))

  12. موناليزا Says:

    امال لو مسافرة هتحطى فى الشنطة ايه؟

  13. خمسة فضفضة Says:

    السلام عليكم ورحمة الله وبركاته

    مش عارفه مين حمزه

    يا بنتي حمزه ده صاحب الشنطه
    :)))))))))

    عادي يا يويو كلنا حمزه وعندنا نفس الشنطه
    ههههههههه

    سلام يا قمر

  14. صاحب المضيفة Says:

    انتي شايلة كارفور متنقل في ايدك فعلا

    ممكن تستغني عن حاجات بسيطة زي المكياج والبرفان … مش ليهم اي لازمة برة في الشارع

    تحياتي

  15. مش عارف لية كده انك نسيتى حاجة

    د|على
    safenatno7.wordpress.com

  16. دنيتى الجميله Says:

    يبقى حمزه عمال يضور على الشنطه وهى هنا معاكى ياااااا
    حرام عليكى هو فى حد بيحط كل ده فى شنطته يا بنتى
    عمود الفقرى عامل ايه
    طيب هو مفيش اطفال جوه الشنطه
    ههههههه يعنى ممكن كل اللى ضايعله طفل يدور فى شنطتك
    سكر يا ياسمين

  17. الكلام نوعان كلام فارغ وكلام مليان كلام فارغ Says:

    ههههههههههههه
    وليه الفضايح دي يا ياسمينه؟
    بس والله بينفعوا يعنى لا مانع من دبابيس وابره وخيط ومسط وتوكه وياسلام لو شويه ادويه
    والله بينفعوا اما عن حمزه فده اكيد راجل كان مراته بتشيل شنطه فيها الحاجات دي وهو كان بيشيلها لها
    ههههههههههههههههههه
    سلامي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: