رياح التغيير

عارفة انه كتييييييير جدا جاتلى تعليقات بتعترض على اللون الإسود

ولأسباب كتيرة .. فى اللى قال ده كئيب اوى ومتشائم وسودوي

وفى اللى قال انه بيزغلل العين

وفى وفى وفى

بس انا مكنتش بسمع لكل ده بصراحة

لأنى حاسة ومتأكدة ولازال عندى الإحساس ده إن الاسود لون مختلف

له مذاق خاص

سحر آخاذ

حالة سكونية غامضة

كل ده لسة حساه لحد دلوقتى

بس اللى اختلف انى عايزة اغير حاجات كتير جوايا

او حتى اغير نظرتى للحياة

او اغير طريقتى فى التفكير او التعامل

اهو المهم انى اتغير وخلاص وإلى الأحسن بإذن الله

فغيرت حاجة بسيطة اوى فى المدونة

مجرد نقيض الأسود .. الأبيض

الأبيض اللى فيه راحة

وسكينة

وآمان

وسلام

مش عارفة ليه حسيت انى مستريحة لما شوفت المدونة شكلها كدة

حاسة كأن انا وهي خدنا دش من كل شوائب نفسنها وبلاويها

نفسى بجد اتغير

نفسى ابقى احسن

نفسى ابقى أنقى

يا بختها المدونة بقت بيضة بمجرد ضغطة على زر

لكن الإنسان للأسف مالوش زراير يغير بيها نفسه

نفسى ابقى ابيض من جوا

نفسى ثوبى يبقى ابيض من نقط المعاصى السودا

نفسى يبقى ابيض من اى حقد او شر او حسد او ضجر

نفسى اعيش فى الأبيض واموت فى الأبيض

نفسى عينى تشوف الأبيض لما اموت

نفسى قبرى يبقى منور

نفسى فى عز الظلمة ابقى مطمنة فيه ومش خايفة

اخاف من ايه وانا مع ربنا

نفسى بجد لما اموت يلبسوا ابيض

نفسى ابقى زهرة بيضة فى حياة كل اللى يعرفنى او يتعامل معايا او يخش بيتى

نفسى زى ما لبست ابيض فى يوم زفافى

وانا فرحانة واللى حواليا فرحانين

نفسى بردو البس ابيض من جوايا ومن برا يوم رحيلى

وابقى فرحانة انى أديت رسالتى وربنا وفقنى فيها

وربنا وسيدنا محمد وزوجى واولادى واهلى واصدقائى راضين عليا

نفسى مزعلش حد منى

نفسى اروحلك يارب وانا صفحتى خالية من الذنوب

بيضا .. كلها حسنات

نفسى قبل ما اموت البس الأبيض واحج بيتك

نفسى ادخل جنة الدنيا قبل جنة الآخرة

جنة حبك والقرب منك يارب العالمين

ألا كل شئ ما خلا الله باطلٌ

ألا كل شئ ما خلا الله باطلٌ

ألا كل شئ ما خلا الله باطلٌ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: