إزاى؟؟؟؟؟

نفسى اشترى دماغى بجد 

بس ازاى؟

نفسى أنفض 

وأكبر 

ومازعلش 

بس بردو أزاى؟؟

نفسى ماخدش فى بالى

وماركزش فى اللى بيحصل

وابقى عادى

بس إزاى؟؟؟

نفسى آخد الأمور ببساطة 

وابقى باردة ومابحسش

أيوة مابحسش

الإحساس اللى جايبلى الكافية 

فيها ايه يعنى لو ماحستش بمين بيحبنى ومين بيكرهنى

فيها ايه لو شوفت نظرة الكره وعدم المبالاة بأم عينى 

وإحساسهم رشق فى قلبى 

وعملت نفسى مش واخدة بالى 

فيها ايه لو اتأذيت فعلا وبكل المقاييس 

وقلت عادى يمكن محدش يقصد 

يمكن محدش واخد باله باللى بيا

بس ازاى والكل عارف 

ازاى ودى مسؤلية 

ازاى وانا لوحدى

نفسى اعرف ادخل جوايا واشيل كل الحزن 

والزعل

والصدمة 

وخيبة الظن 

وأرميهم فى البحر 

او فى أقرب سلة مهملات 

نفسى لو أعرف أبرمج نفسى على عدم الإحساس
خصوصا الإحساس السلبى 

حيجرى ايه يعنى لو محستش ان اللى قدامنى مش طايقنى

فيها ايه لو فضلت على عمايا

فيها ايه لو فضلت واقفة قدام العيون اللى بتدينى إحساس 

بسيل من المشاعر السلبية والغير محبة على الإطلاق
متنحة تماماً

غير قادرة على ترجمة اى معنى او احساس منهم 

هو لازم احس يعنى؟؟؟

ولا لازم أفهم انه بيكرهنى ومش عايزلى الخير؟
حاجة غريبة صحيح

*****

طول عمرى بنقد نفسى واشوف ايه اللى مش عاجبنى فيها

وكنت دايما اكتب لستة بالحاجات اللى مش بحبها فيها

دلوقتى عايزة أضيفلها الإحساس

او لو نقدر نطلق عليه الذكاء الحسى او المعنوى

واضيف لقايمة الحاجات اللى عايزة تبقى فيها

البروووووووود

شرا الدماااااااااغ 

التكبييييييييييير
ولازلت أكرر 

نفسى اشترى دماغى بجد

بس إزااااااااااى؟؟؟؟؟

24 Responses to “إزاى؟؟؟؟؟”

  1. ياريت لو عرفتي تعمليها ابقي قوليلي اصل عند دماغ وقلب تاعبيني اوي😦

  2. السلام عليكم ورحمه الله وبركاتهوالله يا ياسمين لو عرفتى ازاى ياريت تقوليلى ازاى وازاى وازاىهههههههههههفعلا وبجد ساعات كتير كان نفسى ميكونليش قلب ولا احب ولا اتعامل مع حدونفسى اكون لوحدى مسمعش اى صوت ولا حتى حد بينادى على اسمى

  3. كل لما اضايق اوى افكر نفس التفكير ده بظبط ببقى نفسى انى ميكنش عندى احساس و بفتقد الفراغ اللى كنت اوقات بزهق منه و مقصدش اى فراغ انا اقصد الفراغ الداخلى بس ازاىىىىىىىىبيتهيألى مينفعش انسان من غير احساس مبيبقاش انسان ولو فقدنا الأحساس يبقى فقدنا شعورنا بكل اللى حولينا و عمرنا مهنحب حد انسى بقى ماما و بابا و صحابك خلاص مش هتكونى حسة بقيمة حد خالص و كانت الحياة هتبقى مملة و ملهاش معنى و ساعتها يمكن نتمنى الأحساس تانى انشاالله لو سلبى بس نحس يمكن يكون الاحساس نعمة و احنا مش حسين بيها بس بنضايق منها لما نزعل و نتبسط بيها لما نفرح الدنيا مش بمبى ولا هى سودا الدنيا فيها الاتنين لازم نحس بالاحساسين و لولا احساسنا بالسلبى بيتهيألى مكناش هنعرف قيمةالايجابى

  4. مفيش حد نفسه وحشة يستاهل اساسا نحطة فى دماغنا ولا نحط احساسة نحيتنا فى دماغناوالاحساس ده نعمة كبييييرة.. اوعي تفرطى فيها

  5. عارفة؟؟أنا لحد قريب كنت حاطة الجملة دي على الماسنجر ومش عايزة أشيلها فعلانفسي في يوم ألاقي قلبي من غير إحساسرغم إني عارفة إن الموضوع قاسي جدا وساعتها مش هحب كدة لأن الإحساس نعمة مش بتتقدر بتمن أبدا أبدابس فعلا زي ما بتقوليمحسش إني جرحت حد من غير ماأقصدومحسش بالزعلأحاسيس كتير أويبس فعلا مش عارفة إزاي!! تصميم البلوج جديد أوي. أتمنالك التوفيق دايما يا إنسانة "بتحس" أوي…ودي يمكن أحلى حاجة فيها. بس رغم كدة برده بتمنى ساعات العكس🙂

  6. كان فيه مثل سمعته زمان بيقول : بلادة الحس نعمةلكن للأسف دمنا حامي و ده اللي تاعبنا

  7. بقولك ايه لو في يوم عرفتي تكبري دماغك بجد ومتحيش أرجوكي وحلفتك بالله تقوليلي ازايحاكم وربنا أنا زيك بالظبط نفسي في ده كلهخالص تحياتي

  8. يااااااااااه تعالى بقى واقفي في الصف بس ورايا لو سمحتىلانى قلته قبلك كتيرلغايه ما وصلت انى معنتش بثق في حدسلامى ليكيومقدرش انصحك لانى زيك محتاجه نصيحه

  9. كلنا نفسنا نبطل حاجات بنحس بيها لكن لو عملنا كده خنفقد انسانيتنا وحتتبلد مشاعرننا المفروض إن إحنا نحس لإن ده الطبيعى بس بدون مبالغة .. يعنى لا افراط ولا تفريط وعلى رأى عم الكل صلاخ جاهين : قالوا الشقيق بيمص دم الشقيق والناس ما هياش ناس بحق وحقيق أنا شلت قلبى ووضعت مكانه حجر داب الحجر ورجعت قلبى رقيق عجبى——————–نتمنى زيارتك لمدونتنا وما تنسيناش فى كليكايه على الاعلانات اللى فى المدونة ——————————– مع تحياتنا / حازم و هانى

  10. دانا كيفك انسانةانا كنت بلشت اقرى بمدونتك من رمضان الماضي يعني قرب يصير الي سنة عم تابعامن شهر عملت فورمات للجهاز ورجعت عم فتش عن مدونتك هالاسبوع بس وقت شفتا بألوانا الجديدة تقريبا ما عرفتا وكتبت اكتر من لنك على جوجل لتأكد ازا هي او لا ، بس بالنهاية عرفت انو هي ، بس ب لوك جديد ، كمان هالالوان هي كتير حلوة ، والتغير كتير حلو ، انا بحب اقرى كل شي بتكتبيه ، انا مو من مصر ، بس فيكي تقولي اني بمدونتك هي صرت عم حس اني بعرف مصر من جوا كتير اكتر من قبل

  11. لو لقيتي الحاجات دي ممكن تتباع ابقي قوليليانا مستعد ادفع بس اشتري دماغي

  12. نفسى اشترى دماغى بجدبس إزااااااااااى؟؟؟؟؟————-تدفعي كام وأنا أبيعلك :)))))وليد

  13. يااااااااااا لو حققتي دهبس ازاي فعلانفسي ابقي بااااااارده ومعنديش احساس بجداتمنيت في لحظه اني ابقي كدامدونتك جميله دمتي بكل خير

  14. عايزه تتخلى عن احلى واقرب صحاب ليكى قلبك وعقلك طب ازاى عايزه تتخلى عن عقلك اللى بيميزك عن اى حد فالكون بافكاره وحكمه على الامور وتتخلى عن قلبك اللى بيفضل يدق بعد ما نموت يمكن متمسك بالجسم اللى كان فيه طب ازاى مهما كان فى حجات جوالينا وحشه فالحلو اللى حوالينا يستاهل نحس بيه ونتعايش معاه تحياتى اخوكى حوده

  15. السلام عليكم لقد اعجبنى القالب الجديد تبعك و بعد اذنك اريد ان اعرف كيف يمكننى الحصول على حاجة زيو للمدونة بتاعتى ولكنى لا اعرف كيف و سأكون شاكرة مساعدتك

  16. الله يكرمك يا ياسمبن لما تلاقي حد بيبيع ابقي قوليلنانعرف برضه يمكن نحتاجه في يومتحياتي

  17. سلام عليكمحتى لو عملنا كدا واشترينا دماغنا ولغينا قلبناوعملنا مش واخدين بالنا من اللى حواليناهتلاقى ضميرنا مش هاينام (وهاتلف وترجع من مطرح ماطلعت)بس عموما دا سؤال كل العاقلينازاى وازاى وازاى

  18. السلام عليكمبجد توليفة صعبةلكن ازاي نقدر نعمل كدهبس اللي نقدر عليه أنفسناوتختلف الطريقة من شخص لأخروفي برنامج البرمجة

  19. مبروك النيو لوكطيب ده حتى مبقاش فيه حاجة في الزمن ده اكتر من ده:)صدقيني لو عرفتيمش هتستحملي تعيشي

  20. بجد هايجى اليوم انك تكبرى فية وساعتها هاتقولى ياريت ارجع تانى اشوف كل شئ ببراءة زى زمان لكن ساعتها مش هاتقدرى تحياتى لحضرتك ارجو التواصل انا عمادخلاف لدى مدونتين واحدة للقصة القصيرةو التانية للمقالات

  21. مين منفسوش يشتريها

  22. للأسف عشان توصلى للإحساس ده محتاجة تفقدى احساس بنفسك اصلا ومحتاجة تبقى هايفة بعض الشىءلانك لما مش هتحسى بنفسكمش هتحسى باى شىء تانى فالدنياهو فى حلول بس مش هتخليكى مرتاحة بنسبة 100%زى مثلاانك كل ماتحسى بموقف بيجرح او بيغيظاو من حد ميتاهلشان تفتكرى دايما مرض شخص كبير فى عائلتك او اصحابكاو معاناة واحد مريض بالسكر او الضغطساعتها هتفكرى نفسك انك لازم تحافظى على اعصابك لحد ما توصلى سنهاو انك دايما تتعاملى مع الامور بعدم اكتراث الاول مثلى على نفسك عدم الاهتماام وبعدين هتعيشيه تدريجىتحياتىمدونتك أكثر من رائعة

  23. ينفع طبعا تكبري دماغك وتعيشي حياتك لو رميتي كل دة ورا ضهركبس اللي ينفذمودك مش عاجبني خالص

  24. مش عارفه حاسه انم الخلفيه دى احسناخدنا عليهاحزينه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: