ثقافة الجزمة

 الجزمة … بالفصحى حذاء … بالإنجليزية شوز … وبالعامية البيئية صرمة قديمة … تعددت اللهجات والمصطلحات والبيئات والمعنى واحد ، انها الجزمة .. ايوة يا عم الحاج اللى بنلبسها فى رجلينا ونمشى بيها دى … ايوة ام رباط او من غير رباط مش فارقة المهم انها ليها وظيفة محددة ومكان محدد كمان بتقوم بمهامها الوظيفية فيه
واضح ان الجزمة تحت … تحت أوى … تحت خاااااالص … تحت كدة لحد الرجلين … ايون بتتلبس فيها تصدق؟ … وبنمشي بيها على الأرض كمان … ما تستغربش هيا معمولة لكدة ودى مهامها الوظيفية الأساسية
 –
 –
لكن واضح اليومين دول بسبب أزمة البطالة باين ولا ايه الجزمة فكرت تخرج عن السياق شوية وباين عليها زهقت من كتر ما اتداس عليها بأقدام اللى يسوى واللى مايسواش فإتمردت على الوظيفة دى وقالت لما اشوفلى وظيفة تانية جانبية احسن بيها دخلى .. واعرف اتجوز البت الصندل ام كعب اللى عينى عليها من زمان دى
 –
 –
أوم إييييه؟؟ … عقل بالها هداها وقعدت تفكر … قالت فى نفسها انا ضخمة ونعلى متين ولو ضربت حوجع … اهو اشتغل بلطجية وألقط عيشي بدل الشغلانة التقليدية اللى مش جايبة همها دى
 –
 –
وقد كان … وابتدت فى الموضوع ده على خفيف كدة ويمكن من زمان أوى … لو تفتكر دايما فى اى خناقة او اى حد مسكلوا حرامى ولا حاجة – ده أيام ما كان في حرامية بيتمسكوا أساسا – تلاقيه قلع جزمته وهااااااااتك ياضرب فى الحرامي … وكانت دايما الأمثال الشعبية القديمة تقولك ده خد علقة ماخدهاش حرامى فى مولد … بيستشهدوا بالعلقة من كتر ماهي سخنة 

وبردو دايما كنا نشوف زمان اى واحدة من بنات البلد لو حد عاكسها او ضايقها او قل أدبه فى الشارع تقوم تقلع الشبشب أبو وردة حمرا اللى فى رجليها وفين يوجعك لحد ما الواد يحرم ينزل من بيتهم أصلا … وده طبعا أيام ما كان فى بنات بتتضايق من المعاكسات وكدة
 –
 –
بس نعمل ايه بقا للتطور … التطور لازم يدخل ويشمل اى وظيفة ، حتى الوظيفة الهامشية للجزم – اللى بتستخدم فى حالات بعينها وفى بيئات بعينها كمان – اجتمعت نقابة الجزم واول حاجة عملتها النقابة انها رفضت ان الوظيفة دى تبقى هامشية … اتحولت وبقت أساسية … اساسية جدا كمان يمكن أهم من الوظيفة التقليدية العادية بتاعة الرجلين دى .. وفكروا كمان ليه ما نكبرش قاعدة المستهلكين بتوعنا … يعنى بدل ما حد يضربلوا حرامى او واحدة تضربلها واحد بيعاكس … ليه ماندخلش على فئة أكبر وأهم وأشمل وأعم
 –
 –
يعنى فيها ايه لو نائب محترم فى مجلس الشعب رفع الجزمة فى وش زميله فى قلب المجلس مثلا؟؟؟ … ولا فيها ايه لو مدرب رياضي محترم يرفع الجزمة فى قلب الملعب وفى وش كل المشاهدين والمشجعين؟؟؟ … ولا فيها ايه لما ممثل محترم وله جمهوره يطلع فى برنامج ويضرب الضيف اللى جمبه بالجزمة بردو؟؟؟ … ولا أى مسؤل تليفزيونى ورئيس قنوات ليها شأنها يهدد صحفى برفع الجزمة عليه لانه انتقده فى مقال ما فى جريدة ما؟؟؟ … ولا بدل ما الإخوان المسلمين ما كان شعارهم المصحف فى اى مظاهرة ضد إسرائيل ، ليه ما يجددوش ويستخدموا الجزمة ويرفعوها مثلا؟؟؟
 –
 –
نعم أيها السادة … اصبحت الجزمة هيا شعار المرحلة واسلوب الحوار والتخاطب بين صفوة المجتمع على كافة مستوياته ، فإذا وجد بعض السياسيين والرياضيين والإعلاميين والفنانيين والدينين يلجأون الى الجزمة للحوار بينهم وبين من لا يعجبهم او يختلف معهم او حتى يرفض فكرهم وأعمالهم … فماذا ننتظر من المواطن البسيط فى اى منطقة شعبية أخرى؟؟؟
 –
 –
اعتقد لو كريمة المجتمع بذات نفسها بتعمل كدة يبقى لا يصح ان ننتقد العشوائيين والبلطجية ونتهمهم بزيادة العنف واستخدام السلاح الأبيض والبلطجة التى تصل الى حد القتل … إذا كانت الطبقة المتعلمة المثقفة الواعية نفسها مش عارفة تتحاور بإستخدام الوسيلة الطبيعية للحوار اللى هيا اللسان فإزاى حنطلب من الجاهل او الفقير او المعدوم المطحون الحوار والبعد عن العنف؟؟؟
 –
 –
يبدو إن شعار المرحلة أصبح كالآتى: جزمتك فى إيدك … شتيمتك فى لسانك … مسؤليتك تحت رجلك … اللى يقولك “بم” قطعه !!!ه

10 Responses to “ثقافة الجزمة”

  1. انا رجعااالك بس هجيب كرسى اقعد عليه عالشان اقرء بتركيز

  2. صحيح ما قلته انا ايضا استغربت عندما شاهدت الممثلة شيرين في حيلهم بينهم كمان وكمان تضرب الضيفة التي معها بحدائها وتخبرها ان هدا أقل ما يمكن ان تفعله مع أمثالهاصحيح الاستفزاز كان قوي ولكن رد الفعل مستغرب

  3. متنسيش ان انا بعز الجزم اوي مقاس 48 بالذاتربنا يحرقك يا بوش

  4. السلام عليكم ورحمة الله وبركاته : فلسفة تستحق الاشاده واسلوب رائع وعرض شيقبارك الله فيك ، فعلا والله عندك حق فى كل اللى كتبتيه ، بس احلى جزمةكانت جزمة الزيدى مفيش كلام، لانها عبرت عن رأيها بكل جرأءه ومخفتش فى الوقت اللى كل زعماء العرب كانوا هايعملوها على نفسهم من اللى شافوه بيحصل لصدام.

  5. السلام عليكم ورحمة الله وبركاتهموضوع رائع اختي الكريمةبارك الله فييكياحييك على الفكرة والأسلوبدمتي في حفظ اللهوكل سنة وانتي طيبة

  6. :-)يمكن انتي نسيتي حاجةانتي بتقولي اذا كانت كريمة المجتمع بقت تتعامل بالجزمة بدل اللسان .. امال ننتظر ايه من الطبقات الأدنى؟الحقيقة ما تقلقيش خالص لأن الطبقات الأدنى دي بقت حافية وما تعرفش ايه هي الجزم

  7. ههههههههههههه..ده التطور الطبيعي يا دعاء:)

  8. كل عام انتم بخيرتقبل الله منا و منكم طيب القول و صالح العمل

  9. يسعد الله مساكاحل علينا و عليكم العيد يا رب يتقبل منا و منك شهر الصيام من صلاة و ركوع و قيام و سائر العبادات و المعاملاتعيد سعيد على الجميع و يا رب تكون بالف خير

  10. كل سنة وأنتي طيبةعيد سعيد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: