ما تنفخ بقا يا نجاتي :D

والله انا محرجة منكوا جدا جدا جدا

طبعا انتوا عارفين وغنى عن التعريف يعنى

انى بنفض كتييييير اوي للمدونة

ودي حاجة مش حلوة انا عارفة

بس كتير اوى بحس انى بأدن فى مالطة

وان محدش بيدخل المدونة دي أصلا

إذا كنت انا صحبتها بدخلها كل فين وفين
فمابالكم بالقراء الأعزاء

أكيد فى ما هو أهم من اللى بكتبه عشان يتقري

ومش معنى كلامي اني زعلانة ولا واخدة على خاطري منكم

لا والله أبدا

كل الحكاية اني بحس بكدة فعلا

ويمكن ده اللى بيخليني أكسل كتييييير اوي انى اكتب

وافكر اكتب فى اى اجندة لنفسي وخلاص

المهم ما طولش عليكوا قولوا طولي

دخلت النهاردة ع النت

بما اني سهرانة بقا

واخدة على انتظار السحور والفجر فى رمضان

فلاقيت بعض الأخوة المدونين الأعزاء

مكلفين نفسهم وداخلين المدونة مخصووووص عشان يعيدوا عليا

فرحت اوي ساعتها والله

فرحت ان لسة فى حد فاكرنى ومهتم يدخل المدونة

ومهتم يكتب تعليق يعيد فيه عليا

واحرجت من نفسي أوي الصراحة

انى مش بدخل كتير المدونة وفين وفين لما بفكر اكتب فيها

على العموم ومش عايزة اغلس اكتر من كدة احنا في عيد

كلللللللل سنة وانتوا كلكوا بألف خير وصحة وسلامة وسعادة يارب

ويارب اللى كان له دعوة ألح بيها فى رمضان تقضيهاله عن قريب يارب

وربنا يكرمكم جميعا ويعزكم اللهم آمين

العيد السنة دي غريب عليا أوي من كل النواحي والزوايا

والحمد لله على كل حال

بس ده طبعا لا يمنع أبدا أنى اطالبكم بالعيدية زي كل سنة

وانا عارفة انتوا شطار وحتدفعوا من غير خناق

وبرغم ان كاميكاز واقف يزغرلكم على باب المدونة اهوه

ومعنى الزغرة دي لمن لا يعلم = حتدفع يعنى حتدفع يا حلو/حلوة

رغم كل ده الا انى مش بحب العنف خاااااالص ومش حضغط عليكوا

وحرصا مني على المواطن المطحون اللى مش قادر على دفع عيدية

حنعمل اتفاقية لذيذة

اللى حيدفع يقف ع اليمين فى طابور ويحط العيدية فى الصندوق ويشد رحاله فى امان الله

والتاني اللى مش ناوي وحيغلبنا معاه حيطول معانا شوية

وحيقعد يساعد نجاتي فى نفخ البلالين

وطبعا لمن لا يعلم نجاتي ده بنجيبه بالأجرة مخصوص كل عيد عشان ينفخ البلالين

وده طبعا عشان كاميكاز يركز فى الضغط عليكوا عشان تدفعوا

واهو بردو يبقى مساعدة مننا فى حل مشكلة البطالة

😀

13 Responses to “ما تنفخ بقا يا نجاتي :D”

  1. كل سنة و أنت طيبة:)

  2. كل سنة و انتى طيبةو بما ان معروف عن ضد التيار اللى هو انا يعنى انها ماشية بالدراع فى بلوجريبقى انا بقى عايزة العيدية منك ونجاتى انا هتصرف معاه بقى^_^

  3. كل سنة وانتى طيبةعيد سعيد

  4. اجمل التهاني وارق الاماني بحلول عيد الفطر المباركاعاده الله عليكم وعلينا بالخير واليمن والبركاتراجين من الله ان يديم علينا الاعياد والايام السعيدةوان تستمر اعيادنا لابدكل عام وانتم بخير

  5. كل سنة وانتى طيبة بمناسبة عيد الفطر المبارك

  6. كل سنة وانتي طيبةوعيد سعيد عليك وعلى الأسرة الكريمة وسائر المسلمينوبالعكس دي مدونتك معروفة جدا ومؤثرة ومفيدة جدا جداومزيد من التألق والتميزوكل سنة وانتي طيبة

  7. كل سنه وانتى طيبهومش تغيبى تانى بجد بتوحشينا

  8. كل سنة و انتي و كاميكاز طيبينوماتخليش كاميكاز ياكل كحك كتير علشان مايتخنش

  9. كل عام وانتي بالف الف خيروعيد سعيد عليكي جدا

  10. كل سنة وحضرتكـ طيبة وتقبل الله منا ومنكموأسعد الله أيامكـ بفيض رضاه ونور هداه وباركـ بعمركـ إلي يوم تلقاه

  11. اولا كل سنة وانتى طيبة يا قمر ويارب تنعاد عليكى الايام بالخير يارب دايما يا حبيبتى ع فكرة انا لسه جديدة ف عالم التدوين مش من زمان اوى يعنى بقالى سنة ونص وكنت عملت مدونتين قبل كده وحذفتهم بسبب انى مالقيتش حد بيرد عندى بس عملت واحد شاى وقلت لازم اسيبها ومش مهم حد يعلق ولا حد يقرا المهم انى اقول اللى انا عايزاه وسيبتها بالفعل وبعدين اذ فجاتن خلى بالك اذ فجاتن ههههههههههه لقيت الناس بتيجى وبتعلق وف بيقروا ويمشوا بس لقيتنى مسمعة وناس كتير عجباهم المدونة فاصريت انى اسيبها واشيكها واروقها واعتبرتها بنتى بقه بزوقها وبحكيلها كل حاجة مش مهم حد يرد المهم انك بتكتبى وصدقينى هيجى يوم هتلاقى ناس كتير عرفاكى انا مثلا والله سمعت عنك وسمعت انك دماغ ووصلت عندك بسيرش جوجل واخيرا لقيتك ههههه كنتى مدوخانى يلا بقه ماتغيبيش عن هنا تانى لو سمحتى لان ف ناس بتحب تقرا كلامك مستنياكى ف بوستات جديدة قريب جداااااااا اوك

  12. كل عام وانتم بخير

  13. مين بس اللي أوحالك ان المدونة مهجورة كده؟ أي حد بيتابع أي مدون وحاطة في الريدر بيكون متابعه حتى من غير ما المدون ياخد بالهركزي انتي بس وارجعي لنشاطك وهتلاقي المدونة شغالة كويس:-)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: