مش لحمة

كشفت أخيرا وكالات الأنباء عن غموض العلاقة بين اللحمة والمش ، حيث تناثرت الأخبار التي تؤكد وجود علاقة غرامية آثمة بين اللحمة المستودة والمش المصري والتي بدأت فى مطلع هذا العام حينما تعرفا لأول مرة على بعضهم البعض فى الأراضي المصرية ، فأعجب المش المصري بجمال اللحمة المستوردة وإعتبرها “موزة جامدة طحن ” في حين أعجبت اللحمة بقوة شكيمة وشخصية المش المصري كرمز من رموز الشجاعة وصمود الإنسان المصري الصميم وإعتبرته من الذين تصفهم الجملة المشهورة “ المصري معروف بقوته وجبروته ” فتعاملت معه اللحمة المستوردة على انه جامد فحت موت أكتر تلات حاجات!ا

استمرت هذه العلاقة الغرامية لمدة كافية لحدوث الطامة الكبرى وهي إنجاب اللحمة أطفال غير شرعين من المش حيث تكاثر وتفشى الدود فى أنسجة اللحمة بكثرة بشكل غير مسبوق فى تاريخ البشرية ، كما ظهرت هذه الفضيحة الأخلاقية جلياً فى الأسواق المصرية مما أدى إلى عزوف الكثير من الشعب المصري عن أكل اللحمة أم دود معلقين على الحدث: إحنا مستحملين المش أبو دود بالعافية أساسا وبعدين هو راجل والراجل ما يعبوش حاجة إنما انا إزاي ادخل في بيتي وعلى مراتي وبناتي لحمة فاسدة وساقطة زي دي؟!!!ا

هذا وقد دافعت اللحمة عن نفسها في إحدى الجرائد “ الحمراء ” والدموع تنهمر من أنسجتها الملوثة وتغرق صفحة الجريدة قائلة: يا جماعة انا لحمة محترمة ومن عيلة والمش هو اللى غواني وضحك عليا ومشاني فى طريق الانحراف .. وانا بصراحة بحب الإنحراف أوي

ثم رد المش فى إحدى الجرائد “ الصفراء” على إتهامات اللحمة له قائلاً: هي اللى لحمة سايبة ومالهاش رابط وماشية على حل دهنها ، انما انا راجل ومش مشكلة اما اغلط ، وبعدين انا مالي ماهي اللي انبهرت بالدود بتاعي ده غير إن ريحتي النفاذة عجبتها جدا واعتبرتها فلكلور مصري أصيل

وفي لقاء تليفزيوني للحمة – فى القناة اللى أمام كشك أبو نسمة – صرحت بإنه على المش المحترم ان يكون راجلاً بمعنى الكلمة ويتحمل نتيجة غلطته وفعلته الرهيبة ويثبت إن الديدان دي ديدانه ويكتبهم على اسمه !ا

وفي لقاء تليفزيوني آخر – فى القناة اللي خلف كشك أبو نسمة – رد المش: الديدان دي مش ديداني ولا ليا دعوة بيهم وكما نعلم جميعاً إن الدود للفراش ، وانا طول عمري فقران وضاربني السلك ومش معايا فلوس أجيب زلعة أساسا حيبقى معايا فلوس عشان أفرشها منين بقى ؟؟؟

هذا وقد استمر اللغط الدائر بين اللحمة والمش وتناثرت التصريحات وبدأوا فى التراشق بالإتهامات وقال على رأي المثل ” ما شوفهومش وهما بيسرقوا شافوهم وهما بيتحاسبوا !” ، وفي إحدى تصريحات اللحمة الساخنة هددت برفع قضية نسب على المش وتجريسه أكتر ماهو متجرس وجرجرته فى المحاكم إذا اصر على إنكار أطفاله من الدود

في حين أبدت منظمات حقوق الديدان دعمها الشامل والكامل للحمة فى مواجهة هذا المش المتوحش المفترس المنحل ، لأن اللحمة كأنثى من حقها تغلط طبعاً والراجل المتخلف هو اللى يشيل الليلة

وفي حوار صحفي فريد من نوعه صرح الأستاذ المش إنه مايشرفهوش كمش محترم يتجوز لحمة مفضوحة فرطتت فى نفسها قبل كدة وإتملت دود بالشكل ده ، ده غير سيرتها اللى بقت على كل لسان .. وإنه يوم ما يفكر يتجوز حيتجوز لحمة بلدي محترمة مش لحمة صايعة مش عارفين جاية منين أساساً

هذا وقد قامت منظمة حقوق الديدان المصرية برفع قضية ضد المدعو المش لصالح الست اللحمة ، وطبعا اللحمة عشان مؤنثة كسبتها والمش اعترف بدوده غصب عنه واعلى ما فى زلعته يركبه !!! .. جدير بالذكر إنه من آثار هذا اللغط اللاأخلاقي بين المش واللحمة عزوف الكثير والكثير والكثييييير من الشعب المصري عن أكل اللحوم أم دود .. فضلاً عن عزوفه عن اللحمة البلدي لا لغلوا أسعارها كما يزعمون وإنما لإنعدام الثقة فى أخلاق أي لحمة حتى لو كانت بلدي وبنت أصول

كما إنتشرت فى أرجاء المحروسة الشعارات المحرضة على مقاطعة اللحمة مثل

المصري اللى على حق يقول للحمة لأ

لا لحوم بعد اليوم .. الخضار أهم أهم

الموت للدودة الخبيثة .. والمجد للكوسة الطويلة

لا للبرجر لا للسويس .. نعم للخس نعم للقرنبيط

لا للحمة لا للدود .. بالخضار ومش حنموت

السمكة دح دح .. اللحمة كخ كخ

6 Responses to “مش لحمة”

  1. هههههههههههبس تصدقي انا اعتقد ان اللحمة ام دود دي هتلاقي زباينها برضةهتلاقي ناس تقول لك احنا لا قينها…بدود بدوداهي اسمها لحمة برضةشعب عجيب

  2. هههههههههالمش أبو دود ده طلع عينه زايغه وراجل فلتانلازم كده يسوء سمعت المصريين أهو أعترف في الأخرهو نسي ان ده زمن اللحمه قصدي المرأهوالله هم يضحك وهم يبكيبس هتتاكل يعني هتتاكلالحكومة عارفه كده ووافقت عليها لأنها عارفه ان معدة المصريين تهضم الزلطهتتعب يعني من شوية دود

  3. هههههههههههههههههههعادي يعني المش شال الليلة خلاصوانا بقول انه يشرب علشان ينسى الي حصل وبعدين ماكل الاكل خلاص بقى مسرطن واحنا ماشين بالبركه على الاقل الديدان ارحم من السرطانالمصيبه بقى ان يتحد الاتنين

  4. :-)ده الموضوع كبر قوي ولا يمكن يتلمولا يسلم الدود الرفيع من الأذى حتى يراق على المش الدم:-)آدي آخرة اللي ياكل لحمة .. مالها الفراخ؟

  5. تشبيه رائع واسقاط ممتاز على الواقع بارك الله فيكى بنيتى وزادك علما وعملا

  6. حتى المش طلع عينة زاغية ماهو مذكر راجل يعنىبس العيب مش عليه العيب على الست لحمة الى محدش لمها بس الشعب اخد موقف حازم منها واطعهاتحياتى لاسلوبك المبدع دى اول زيارة ليا اتمنى ان تقبلى مرورى

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: