كاد المُعلم أن يكون حشاشاً

استيقظت صباح الأمس على خبر عجيب جداً فى برنامج صباح دريم

الخبر يقول أن وزير التربية والتعليم زكي بدر قرر ايقاف 5 مدرسين عن العمل وإحالتهم للنيابة

لتورطهم في تدخين مخدر الحشيش

وارتكاب أعمال تتنافى مع هيبة المعلم واحترام العملية التعليمية

!!!!!!!!!!!

الخبر فى حد ذاته صادم جداً ولكن عندما قمت بالبحث عن تفاصيل الخبر على الإنترنت

وجدت ما هو أعجب بكثييييييييير

فمدرس المجال الصناعي كان “خرمان شوية” وطلبت معاه لف “سوجارتين حشيش”

وماله مايضرش

فقام زميله مدرس المجال الصناعي الآخر بإعطائه “حتة الحشيش”

ونعم الصداقة

بينما شارك مدرسا مادتي التاريخ واللغة الإيطالية معهما فى تدخين السجائر التي تم لفها بالمخدر

ونعم الأخوة وروح الجماعة

الغريب فى الأمر أنهم بعد التحقيق فى الواقعة والتأكد من صحتها

تبين أن الأستاذ الذى أعطى صديقه الخرمان حتة الحشيش

هو الذى قام بتصوير هذا المشهد على سبيل المزاح

وإنه قام بتسريب الفيديو على إسطوانة مدمجة بعد صدور قرار بنقله من المدرسة للإدارة التعليمية

كرسي فى الكلوب يعني

فإشمعنى أتنقل أنا لوحدي ويظلون هم فى أماكنهم مع أنني صاحب حتة الحشيش اللي عملتلهم بيها أحلى دماغ!؟

حاول عقلي العاجز على إدراك هذا الكم من العبث أن يتفهم هذا الخبر ويتلقاه بروح رياضية

ولكنه أعلن إستسلامه عن الفهم والإدراك بالتحديد أمام هذا الجزء من الخبر

حيث ظهر في الاسطوانة مدرس المجال الصناعي أثناء قيامه بإصلاح وتلميع حذاء مدرسة اللغة الإنجليزية بذات المدرسة، والتي كانت متواجدة معهم بالغرفة

ظللت طوال اليوم أتسائل .. لماذا قام بإصلاح وتلميع حذاء هذه المدرسة؟

لماذا؟

ما علاقة هذا بالحشيش والدماغ العالية؟

وهل المدرس قام بذلك من باب تحسين الدخل بعد التشرد والضياع الذي سيصل إليه عما قريب؟

ولماذا كانت معهم فى الغرفة؟

هل حاولت إستغلال حالة “السطل” التي يقبع فيها هذا المدرس لتقوم بإستغلاله لتلميع جزمتها مثلا؟

وهل قامت بأخذ “نفسين ع الماشي” أم لا؟

بجد مش فاهمة

ليه يلمع جزمة مدرسة اللغة الإنجليزية؟

حوسة لايكون طمعان فى الشراب تبقى مصيبة !!!!ا

8 Responses to “كاد المُعلم أن يكون حشاشاً”

  1. أنا مش مستغربالمدارس ليست الصرح التعليمي الذي كان فيما مضىهي اليوم مجرد (غرزة) جديدةهذا بناء على مشاهدات و خبرات سابقة

  2. هههههههههههههههههههههغريبه حاب الحشيش منين دا كل الناس بتتكلم ان البلد نضفت من الحشيش وغرقت فى كل انواع البرشام مايسمى بالكيماكلز دول جببرهماتفكريش كتير لاننا هنا بيحصل كل حاجه بعيد عن المنطقخدى عندك مثلا نفس وزير التعليم الهمام حسبى الله فيه هو هواللى قام بنقل المدرسين اللى اثبتو انهم بيتحرشو بالولاد والبنات عيالنا فى مدرستين مختلفاتيننقلهم وظائف اداريه علشان يعرفو يستفردو بالموظفات زميلاتهم وممكن طبعا زمايلهم هههههههههبالزمه يا اختى مش دى بردو حاجه توقف العقل عن التفكير

  3. أعتقد أن هناك فعلا أزمة في الشراب والدماغ الواطية مش العالية بس نعمل إيه ولله في خلقه شؤون

  4. عاديشي عاديشي المدارس فيها بلاوي اكتر من دي بس هو ربنا اللي ساترها معاهم :))

  5. على فكرة دى حاجة بسيطة للبقى يحصل ربنا يسترها شكرا

  6. انا اعتقد ان المدرس الذي قام بتلميع حذاء زميلته كان نفسه يعمل كده من زمان وكان كل ما يشوف المدرسة يجذبه حذائه فاكرين فؤاد المهندس في الفلم الي مش فاكر اسمه لما كان اول شي يجذبه في المراة الحذاء نفس النظريه تقريبا ولما غاب المسكين عن وعيه بالحشيش اشتغل العقل الباطن وحقق امنية حياته بتلميع الجزمه لا مؤاخذهوعلي رايك قف للمعلم ولف له السيجاره كاد المعلم ان يكون حشاشا

  7. يعنى المعلم ملاك ماهو من الشعب …والناس بقيت تقريبا كلها كدة ….انت ماشفتيش فيلم حافية على جسر من ذهب ماشفتيش عزيز عمل ايه بالجزمة؟ دا تراث يا ستى

  8. عاااااااااااااادى جدا المدارس بقت عباره عن كباريه او غرزه حسب نوع الطلبه (ذكور اناث) وهى بدربهم على الكباريه الاكبر او الغرزه الاكبر وهى الجامعه او المعهد دا على اساس انهم هيكملواطب تصدقوا انى لما كنت فى الثانوى العام كان فى مدرس بيقولنا اللى هشوفه بعد الفسحه فى الفصل هكتبوا غياب(ملحوظه الفسحه كانت الساعه 11) !!!!!!!!!!وشكرا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: