ليلة القبض على شهرزاد

بلغني أيها القارئ السعيد

فى العصر النظيف الرشيد

أنه قد طقت فى عقل بال أحدهم بمصادرة كتابنا المديد

ذو الحكاوي الكثيرة

والنوادر الشيقة والمثيرة

والذي خفت صوته

ودُفن أبطاله

ولم يعد أحد يقرأه

أو يهتم بأخباره

فأنقلب السحر على الساحر

وقدموا لنا خدمة العمر

وأعادوا الحياة لحكاياتي وأبطالها

*****

لن أسأل من منا قرأ كتاب ألف ليلة وليلة

لأنها ليست الصيغة المنطقية فى عصرنا هذا

الأكثر منطقية هو أن نسأل من منا يقرأ أصلاً؟

نعم فهذه هي الحقيقة حتى وإن حاولنا التغاضي عنها حتى لا نصاب بالإحباط

فأغلب الفئة العمرية الشبابية لا تقرأ

أو بالكاد تقرأ

فالأغلبية لا تقرأ بالفعل

وإن لم تصدق فعليك أن تقوم بنفسك بعقد بمقارنة بسيطة

بين عدد أعضاء أي جروب للهيافة على الفيس بوك

و جروب آخر للقراءة

قارن بين عدد الأعضاء بينهم وأيضاً قوة التفاعل

*****

وفي وسط هذا الجو الملئ بعدم الإهتمام بالقراءة

تجد من يخرجون لك من تحت أنقاض الكتب ليطالبوا بمصادرة كتاب ألف ليلة وليلة
فيتساءل شاب عادي لا يقرأ: ليه يا سيدنا؟

المطالبون بالمصادرة: أصل فيه قلة أدب وألفاظ إباحية
الشاب العادي الذى لا يقرأ بنبرة غاية فى الخبث وقلبه يرقص من الفرحة: يا راااااااجل؟

وبعدها كلما تطبع طبعة جديدة للنسخة الأصلية من الكتاب تنفد فى الحال

فلا أعلم هل يجب أن نشكر ما فعله الأخوة المحامون المطالبون بالمصادرة – دون قصد منهم طبعاً – من إنعاش للحركة الثقافية فى مصر

أم نحزن على حال أغلب شبابنا الذى لا يهتم أن يقرأ سوى عن الجنس والإباحية؟

وإن كانوا يريدون إلقاء القبض على شهرزاد بتهمة إشتغالها فى إحدى بيوت الدعارة

فأين هم من بيوت الدعارة نفسها الحديثة المسماة بقنوات الأغاني؟

والتي أغنية واحدة على هذه القنوات البشعة تضاهي كل ليالي ألف ليلة

ولو كان في ألفين ليلة كانت ستضاهيهم أيضاً

فهي تدخل البيت دون إستئذان

ودون أن يذهب أحد لشرائها مثل كتاب ألف ليلة

وأين هم من التحرشات الجنسية فى شوارعنا العامرة وفى المظاهرات؟

أين هم من البطالة وقلة فرص العمل وإرتفاع الأسعار وتدني الأجور؟

والتي أدت بشكل أو بآخر إلى سعار جنسي وتحرش جماعي من الجميع

حتى من رجال الشرطة المطالبين بحماية المواطنين

أين هم من جريمة تخريب عقول الجيل الجديد بالمناهج التعليمية التي لا تهتم سوى بالحفظ والحفظ فقط؟

أم نحن نحب أن نأتي فى الهايفة – ولو إن ألف ليلة ليست هايفة – ونتصدر؟

لذا أسأل هؤلاء المحامون: من كان يقرأ ألف ليلة وليلة قبل طلبكم لمصادرتها؟

بل من يقرأ أساساً؟

*****

مع كثرة طلبات مصادرة الكتب هذه الأيام أقترح أن نقوم بتأليف عمل أدبي حديث ضخم يحاكي ألف ليلة وليلة

ونسميه ألف مصادرة ومصادرة

9 Responses to “ليلة القبض على شهرزاد”

  1. انسانة عندك حق فى كل اللى قولتية الفجعة والتسائول فى نفس الوقت الناس ابدت تقرأ ألف ليلة علشان القرأة ولا علشان !!!!!!حقيقى فاجعةشكرا

  2. دة حال البلد نظام خالف تعرف عاوز تشتهر اعمل حاجة او افتكاسة جديدة زى انك تبين البوكسر او تربى شعر صدرك او تصادر كتاب ماحدش صادرة قبل كدة ..المهم تعمل حاجة تافهة ماحدش يعرف يعملها

  3. جامد جدا جدا…أستأذنك هحطها عندى مع الاشارة للمصدر طبعا

  4. أنا كنت من سنين عاوز أقرا المجموعة لكن عشان كسلان ما عملتش كده..لكن الناس اللي رفعت القضايا دياتسفتزني وخلتني أنزل المجموعة من على النتفي سهولة ويسر..وآديني بأقراها أهو وكلي استمتع وبأمانة الروايات دي مكتوبة بلغة ارقى بكتيرمن كتابات ناس بيتعتبروا من المشاهير..اقرأوا ألف ليلة وليلة يا عرب

  5. تدوينة رائعة ما هي الناس دي ما تجيش غير في الهايفة … و تتصدر عايزين تشهروا حاجة قولوا انها ضد الدين أو أنها بتنشر الرذيلة في المجتمع لما قريت التدوينة افتكرت اللي حصل من حوالي شهر علي الفيس بوك … موضوع الجروب اياه اللي صاحبه كان عامل نفسه أله علي الفيس بوك نفس التفاهة حصلت كل شوية واحد يدخل بس علشان يعرف ايه اللي حصل و يقول ياه شوف الراجل ده وحش ازاي!!و النتيجة عكسية طبعاً الجروب انتشر و بدل الجروب بقوا 10الغريب اننا بنحاول نمنع الغلط القليل و اللي مش واضح و لا نحاول نشر الحاجة الكويسة و اللي بيحصل ان السئ يزيد و الجيد يزول و أما الزبد فيذهب جفاءا و أما ما ينفع الناس فيمكث في الارض صدق الله العظيم

  6. اه والنبى قوللهم احسن مش لقين اللى يقولهمتعرفى والله الدعايا اللى اتعملت للكتاب كانتت ممكن تتكلف ملاين وماتاثرش كدهكويس ان شهر زاد كانت ابيحه ولسنها طويل والا ماكنوش قالو كده والكتاب اتباع بس على فكره نأبهم هايطلع على شونهلما اتكلمو الهبل ولاد الهبل ماكنوش يعرفو انها النسخه المعدله مش الاصلى اصلى اصلى وماتعلبش فيهههههههههههههههههه

  7. والله انا لما قريت الخبر ما اهتمتشما جاش علي بالي ابدا انهم يقصدوا كتاب الف ليله وليله افتكرتهم بيتكلموا علي كتاب جديد بنفس الاسميا نهااااار هما ما لقيوش حاجه يعملوها خاااالص وصلت لكده دي اخرة البطالةبس صحيح هوه الكتاب فيه قلة ادب طب ممكن لينك الكتابوشكرا

  8. الموضوع بيتكلم عن أكتر من نقطةالقراءةمصادرة الكتابالهيافةالتحرشالأغاني (الإباحية)مش هقدر أرد على كله و إلا هنعمل من الرد موضوع أكبرلكن بالنسبة لموضوع القراءة فأنا أتفق معاكي إن عدد القارئين قليل جداًفي مجتمعاتنا الصغيرة: البيت، الجيران، المعارف، الأصدقاء، مكان الدراسة، مكان العمل.نسبة الناس المهتمين بالقراءة فيهم نسبة ضئيلةمقياس بسيط: بتقرا كام كتاب في الأسبوع؟ في الشهر؟ في السنة؟؟

  9. http://dvd4arab.maktoob.com/showthread.php?t=1914567و دي الف ليلة و ليلة كاملة النسخة الممنوعةو خلي اللي عايز يقرا يقرا و اللي عايز يتسافل يتسافلبس نشوف هيمنعوا الناس من الوصول للكتاب ازاي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: