هرش مخ


هرش المخ بالنسبة لي ليس جديداً .. فقدت بدأت هذه الهواية منذ الطفولة .. أفكر .. أهرش في مخي شوية .. ثم أقول ما أشعر به ، هكذا مرت كل مراحلي الدراسية .. لم يعجب الكثيرون بكلامي المختلف عن السائد .. فقد إعتبره البعض نضجاً مبكراً والبعض الآخر كان يقول : أنتِ بتحسسيني إنك ماما .. والبعض إعتبره رغياً وكلاماً فارغاً منبعه إنسانة مهروشة فى دماغها وتافهة وعبيطة وهبلة !!! … في حين إعتبره البعض الآخر عبقرية مفرطة

وأنا لست على إتفاق تام مع كل هؤلاء .. فأنا لا اعلم بالتحديد ماذا يحدث .. قد يكون كلامي به كل هذه المعاني وقد لا يحمل أي شئ منها على الإطلاق .. إنما هو فقط هرش مخ .. تفسيري البسيط لهذا الهرش لخصته فى جملة بسيطة تقول: القلب زي الكوباية .. لما يتملي يدلدق ويزروط الدنيا !!! .. وهذا بالضبط ما يحدث معي .. فهرش المخ هذا يخرج من قلبي بعد إمتلائه بشئ ما يريد البوح به ولا يجد من يسمعه .. لعلمه المسبق أنه لن يجد من يسمع .. وإن وجد هذا الشخص المضحي بأذنه فهو بالتأكيد لن يهتم !ا

إعتدت علي ممارسة هذه الهواية فى كل وقت و في كل مكان .. بداية من الكشاكيل والدفاتر والكتب المدرسية والخارجية والمراجعات النهائية .. مروراً بالمراجع والدوريات العلمية بالكلية .. وصولاً إلى التويتر والفيس بوك والجوجل باز ، لكن مشكلة واحدة كانت تقابلني مع هذه الهواية .. فكرة التأريخ والأرشفة وسهولة البحث عن هرشاتي السابقة .. فكما تعلمون الكتب كثيرة ولكنها تذهب مع الريح بمجرد إنتهاء العام الدراسي ، و يكاد يكون من المستحيل أن تبحث عما قلته على التويتر أو الفيس بوك منذ عام مضى .. كما أن الدفاتر والأجندات ليس بها هذا الأوبشن العبقري

Ctrl + F


إلى أن قرأت كتاب تلابيب الكتابة لصافيناز كاظم فصلا بعنوان منمنمات .. جمعت فيه جملاً وعبارات تعبر عن مواقف مختلفة ولكنك تشعر بشئ جميل عندما تقرأها فى فصل واحد .. منذ قراءة هذا الفصل وانا أشعر بتقارب رهيب بيني وبين الكاتبة وأحلم بتجميع كل هرشاتي المخية فى مكان واحد مثلما فعلت .. كتاب .. مدونة .. أي شئ .. حتى يسهل علي البحث فيه بشكل أساسي وأرى هل سأشعر بنفس الشعور الجميل عندما اقرأهم كالذي شعرت به عند قراءة منمنمات الرائعة صافيناز كاظم أم لا ؟

أخترت أن أفتح مدونة جديدة بعنوان هرش مخ .. بعون الله ستضم كل هرشاتي المخية الكاميكازية المتناثرة فى كل المحافل الإنترنتية .. قد لا تحتاج أن تكون من زائري المدونة الدائمين .. وقد لا تدخلها من الأساس لأن كل ما فيها ستجده عندي على الفيس بوك أو تويتر أو جوجل باز .. لن أمنعك من الزيارة بالطبع .. فأنت حر أولاً وأخيراً .. ولكن عذراً .. سيتم تفتيش كل السادة الزائرين المستغنين عن آذانهم بلا إستثناء .. حيث يمنع منعاً باتاً دخول أي نوع من أنواع المراهم .. حتى يحلو الهرش بالطبع

12 Responses to “هرش مخ”

  1. نفس الحالة اللي بمر بيها كتير فعلا .. ونفس الحكاية بردو.. مش بلاقي قدامي غير الفيس بوك مثلا أو ممكن لو الغزالة رايقه والنفسية تسمح – أو لو ماتسمحش ساعات بردو – يبقى وورد دوكيومنت وأقضيها كتابة مع نفسي وأطلع كل اللي جوايا في شكل عصير الدماغ !! جود لك يا حبي ويا رب يبقى وشها حلو عليكي زي سابقتيها!

  2. مبروك .. وعبال لما نبارك ليك المدونة التانية .. وصافيناز كاظم .. من السيدات المحترمات المثقفات .. ربنا يوفقك ونشوف كتابك .. لان الكتاب افضل لأنه بيتمسك والواحد برضوا يهرش زي ما هو ا عايز وياريت التفتيش يكون اختياري .. افرضي انا مش عايز اهرش بس عايش اخش بالتوفيق ..وتمنايتي بالنجاح ..حلم العبدلله عمل كتاب برضوا ..

  3. لو سامحتي اولا مين الجوجل باز دة ويعنى اية حفتح مدونه تانيه ربنا يزيدك بس تبقي تقولنا على العلوان قصدي العنوان واحنا نبقى نيجى لوجدنا واللى يسال ما يتوهش…حتفتحي مدونه تانيه هى المدونه بتتفتح وبتتفتح بايه وحتحطلها يافطه مكوب عليها هرش مخ .على العموم بالتوفيق انتى قدها وقدود اوي تنسي تعزمينا على الافتتاح

  4. أحلى حياة .. يارب يسعد أيامك ويفرح قلبك عن قريب يارب

  5. MR.PRESIDENT والله حلم الكتاب ده حلم قديييييم أوي .. أتمنى إني أحققه .. يارب أحققه .. ياااااااارب

  6. khalil عم الشباب كلهم بيعلق عندي .. ده ايه الهنا اللى انا فيه ده Google Buzz دي إضافة إجتماعية جوجل عاملاها .. قريبة من التويتر كدة وده عنوانها http://www.google.com/buzzوترجمتها بالعربي جوجل نبضات أما بالنسبة لموضوع فتح المدونة فهي بتتفتح عادي زي أي علبة تونة هههههههه وعلى فكرة هي إتفتحت خلاص بالبوست ده لأني حاطة لينك ليها فيه .. علي العموم هي عنوانها بسيط خالص ما يتوهش .. الدور الأولاني .. أول شقة يمين http://harsh-mo5.blogspot.com/:D

  7. جميـــــل جدااا و بالتوفيق

  8. ههههههههههه أنا عاجبنى الموضوع أوى أوى

  9. اظن ان البنى ادم مش محتاج ارشفه فهو دائم التفكير

  10. سلامو عليكو..ربنا يسعدك ويفرح قلبك ويوفقك اسلوبك جديد ولطيف.برجاء قبولى صديقة للمدونةبرجاء زيارة مدونة جنة وتحميل فيديو (رحلة جنيةلك تحياتى

  11. والبعض إعتبره رغياً وكلاماً فارغاً منبعه إنسانة مهروشة فى دماغها وتافهة وعبيطة وهبلة !…………………الا مهروش دا انتى مجنونه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: