اسفة
اسفة على كل كلمة قريتوها عندى وممكن تكون ضايقيتكم
اسفة على كل يوم بعدت فيه عندكم
اسفة على كل يوم فكرتوا تدخلوا فيه المدونة وملاقيتوش حاجة جديدة
واسفة على كل يوم حتدخلوا فيه وماتلاقوش جديد بردو
اسفة انى شلت مواضيع كتير من المدونة عشان مش عاوزة اشيل حد همى اكتر من كدة
وبالله عليكم تدعولى
اسفة يا جماعة
اسفة انى عملت المدونة من الأصل
وكمان اسفة انى سبتها كدة
اسفة انى بعيدة اوى عن المدونة
واسفة انى حفضل بعيدة
اسفة يا مدونتى
اسفة يا قلمى
اسفة يا نفسى
اسفة بجد
اسفة
إنـســانـة 
August 1, 2008 at 7:25 am
احنا اللي اسفين جدااحنا هنعتبر ان الموضوع ده جه غلطة و انك مكتبتيش حاجةو انك مقلتيش انك هتبعدي عننا كدهو مش مهم المواضيع اللي اتحذفت بس يا ريت تحذفي الموضوع دهاحنا عاوزين انسانة و كميكاز من فضلكو لو انتي مش فاضية ابعتي كيميكلنا بنزعل و المدونات للفضفضةعودي يا انسانةو كلنا معاكيو ربنا يسعدك عشان ظننا كلنا فيكي انك تستاهلي كل خير
August 1, 2008 at 7:42 am
احنا اللى اسفين لاننا مش هنقبل اسفك لو تركتى التدوينلكن غير ذلك فمسمحينك عن اى شىء
August 1, 2008 at 7:49 am
السلام عليكم ورحمة الله وبركاته ماتزعليش نفسك يا ياسمين ومش نهاية العالم ان الواحد يفشل في تجربة ما او يختار غلط لازم تتجاوزي الازمه وتحاولي تخرجي منها بسرعه واحسن حاجه هاتساعدك علي كده هي الفضفضة بكل اللي جواكي وكل اللي تاعبك واحسن حته لكده هي مدونتك الجميله الي طالما اعتبرتها من المدونات المحترمه الجديره بالمتابعه حاولي تخرجي بسرعه من الموود الوحش ده وهانفضل مستنيين جديدك مهما طال الوقت سلام
August 1, 2008 at 9:23 am
الاسف قد لا يفيدك لانك بالفعل أصبحت فى حياتنا كما أن عملة الاسف لا تفيد هالايام إرجعلى فربما لقلمك كلمة تغير إنسانربما تخرج من نفسك كلمة تنقذ إنسانأيتها الانسانةربما إنسان ما ينتظر منك موضوع هام بوست مفيد وما أكثرهمقد ترينهم أنت تفاهات لكن للبعض تجارب وخبراتعودى ربما أحدهم يستناك
August 1, 2008 at 10:59 am
ليه كل الأسف ده…؟ هو إيه إللي حصل واضح أنك مريضه بالرقة والعذوبة… لا شفاك الله منهما
August 1, 2008 at 11:10 am
بعد السلام عليكمياااااا أنا كنت تقريبا كل يومين بأدخل عندك عشان اتابعك وانتى كنتى غايبةولما دخلت ولقيت بوست جديد قولت انتى رجعتى خلاص للتدوين وهاقولك الف حمد الله علي السلامةولكن للأسف لما قريت البوست لاقيته مليان حزن ويأسهونى على نفسكواستعينى بالله بصدق وبثقة فى قدرته ورحمته وهو مش هيخذلك ابدامهما كان ماأصابك وخلاكى فى الحالة دىفهو قدر ربناارضى به وقولى لربنا انك رضيتى بقدرهوقولىقدر الله وماشاء فعلهتلاقيه زاح همك وفك كربكادعى باخلاص وانتى واثقة فى الإجابة وهو هيستجيبياستى شيلينا همومك زى ماأنت عايزةواحنا مش هنشتكىواعتبرينا كلنا اخواتكربنا ان شاء الله يفك ضيقكويزيح همكوأن شاء الله ارجع المرة الجاية الاقيكى سعيدة والاقى بوست كله تفاؤلتحياتى ليكىوكل سنة وأنتى طيبة وبخير
August 1, 2008 at 12:24 pm
ماشاء الله عليكى يا انسانه كلامك جميل جداوخصوصا البوست الى بعنوان عايزين فلوسانا بقراها كتير سورة الواقعه بس من انهاردة وفصاعدا..كل يوم هقراهابارك الله فيكى وجزاكى الله كل الخيرومبروك الشغل يا قمرة وربنا يسعدك كمان ويرزقك رزق حلالفعلا زى ما قلتى يا حبيبتى ان السعادة ف الرضا ربنا يفك كربك ويصلح احوالك ويدبرلك الخير دايمااسألك الدعاء لى بأصلاح الاحوال لى ولمن لهم حق على …وان ربنا ييسر لى امرى
August 1, 2008 at 1:56 pm
السلام عليكمأنا مش هأقبل أسفك علشان انا مش زعلان منكده في البدايةإحنا كلنا هنا بنشد من بعض أنا شخصيا مفيش جديد في حياتي و لسه الفشل عمال يطاردني بس مرتاح عكس قبل أما أعرف المدونات و أعرفكمدلوقتي في حد بيسمعني و أشكي له همي الكتير اللي ممكن يكون تافهة بس انا اللي مكبرةأنت إن شاء الله مش هتقدري تبعدي عن التدوينأنا باقولك كدهو أنا كده كده هأقرفك لحد ما ترجعي تدوني تانيوبعدين كيميكاز ياكل منين يعني؟ربنا معاكي و يوفقك و يهديكي
August 1, 2008 at 2:21 pm
السلام عليكميارب تكونى بخير يا ياسمين انتى و عيلتك.وحشتينا قوى .ونفسنا نطمن عليكى ..هى دى الحياه .مش لازم تكسرنا…بالعكس دى لازم كل يوم تقوينا..مش لازم نستسلم ..اكيد فيه امل جديد …يمكن يكون لسه نقطه نور صغيره ومش شايفينه ..يوم بعد يوم هيكون قدامنا زى الشمس ..هيخلى حياتنا منوره لايام كتيره.الحمد لله على نعمة الحياه ..اللهم ارزقنا ما فيه الخير لنا وساعدنا لنتخطى ايام الانتظار .Meshmesha
August 1, 2008 at 2:33 pm
للأسف المدونة والصداقات اللي نشأت عن طريق التدوين بقت حاجة ما تتنسيش .. بقت جزء من كيان الواحد مننا حتى لو حاول يبعد أو ينسىماحدش هيقدر يلغي جزء من نفسه
August 1, 2008 at 5:08 pm
ياريت ما تبعديشتعرفي انا اوقات بدخل مدونتكلانها مجرد بتريحني نفسياهوني عليكي وسيبيها علي اللهكلنا بنعدي بالظروف ديخلي بالك من نفسكوما تسبيش مدونتكوتهجريهاتحياتي
August 1, 2008 at 5:50 pm
في كلامك احساس بالضيق واليأس ليه ؟؟؟ما تزعليش من حاجه ,وكوني واثقه ان بعد الضيق فرج وبعد العسر يسر بإذن الله.ان شاء الله ترجعي تكتبي وانتي اكثر قوه و تماسك .===================================أسأل الله العظيم رب العرش العظيم ان يفرج ضيقك وييسر لك حالك .
August 2, 2008 at 1:02 am
وأحنا مش أسفين أننا عرفناكي ..بالعكس انتي كنتي فعلاً انسانة ولا زلتي:)
August 2, 2008 at 12:00 pm
أيه يا بنتي الأسف ده كله ؟أنا عن نفسي مقدرة كلنا بيجي علينا وقت بننشغل و أسحبي من فضلك جملة كل الي قرأ عندي كلمة ضايقتهأنتي كتبتي كلام يضايق ؟ ده حصل أمتي فين أدي دعوة اهيهروحي ألهي ربنا يفتحها في وشك
August 2, 2008 at 7:04 pm
أكررها لك مرة أخرى لكن باسمى هذه المرةالاسف قد لا يفيدك لانك بالفعل أصبحت فى حياتنا كما أن عملة الاسف لا تفيد هالايام إرجعلى فربما لقلمك كلمة تغير إنسانربما تخرج من نفسك كلمة تنقذ إنسانأيتها الانسانةربما إنسان ما ينتظر منك موضوع هام بوست مفيد وما أكثرهمقد ترينهم أنت تفاهات لكن للبعض تجارب وخبراتعودى ربما أحدهم يستناك
August 2, 2008 at 8:15 pm
ايه يابنتى ف ايهبقى احنا مستنيينك ترجعى بالسلامهم راحة التفكير اللى كنتى فيهوتكونى اخدتى القرار اللى يريحكترجعى اخده قرار محدش مننا هيرضى عنهياستى خديلك كمان فترة راحه لكن متحرمناش م دماغك وافكارك يلا احنا مستنيينكمتتأخريش رجاء
August 3, 2008 at 9:41 am
اااااااااااااااسفه 676شفيلك غيرناااااااااااااا 676مش راح نقبل بعدك عنااااااااااااا 676676 676 676
August 3, 2008 at 10:08 am
وحدوووووووووووووهلا اله الا اللهايه الكابه الفظيعه دهعلي فكره احنا حاسين ان مش انتيخالص اللي تكوني مكتابه كدهانتي مش مؤمنه بربنا ولا ايهوعسي ان تكرهوا شيئاالحمد لله علي كل شيءصحيح هو الواد كوكو فين اكيد هربمانتي سبتيه من غير اكل وقفلتي عليه المدونه.
August 4, 2008 at 11:18 am
الغريب ان الموضوع في مجال : بعض حماقاتي !! – لا احب هذا النوع من المواضيع –
August 4, 2008 at 9:50 pm
السلام عليكم ازيك ياانسانة ايه يابنتى اسفة ايه بسانتى عارفة اجمل حاجة انكم لما تكونوا مضايقة وتشتكى لناس اتنى عارفة انهم بيحبوكى وانتى بتحبيهم متتأسفيش ابدا على حاجة زى كده متتأسفيش لحد انتى عارفة ان اتنى وهما واحد أتمنى انك تكونى بخير
August 5, 2008 at 8:45 pm
ان بعد العسر يسرا ان بعد العسر يسرا صدق الله العظيم لقد سعدت بهذه المودنه كثيرا وكم اتمنى ان تعودى وتستكملى كتابات ربنا يفرج ههمك ويشرح صدرك
August 8, 2008 at 1:40 am
كيفيك يا قمرايةمعلش احنا مش متقبلين الاسفبجد ارتبطنا بيكى وبمدونتكوبكتاباتك المتميزةمنتظرين بوستك القادم في اسرع وقتربنا يفرج همك .. ويسرلك امرك
August 8, 2008 at 4:11 pm
شوفي يا ست الكل زي ما لغيتي مواضيع من البوج حتلغي دا كمان ايون البوست ده وتغيرلينا لون البلوج لو سمحتيبلون مبهج كده وسيبك من الكلام ده ده طبعا ليس امرا ولكن رجاءاخرجي من المود ده وحتبقى كويسه
August 9, 2008 at 10:25 am
يمكن انتى ممكن متفتكريش مدونتى او تفتكرينىبس كتير جدا كنت بزور مدونتكو بعتبرها من المدونات الصادقة قوى و جميل انك تعبرى عن اللى جواكى من مشاعر حتى لو كانت حزينةو للمدونة لينك اللى بيدخل هنا بمزاجهفلا داعى للاسفو استمرى فى التدوينانتى مدونتك جديرة بالاحترام و المتابعةسلام 🙂
August 9, 2008 at 2:49 pm
انا مش فاهمه حاجهانا سافرت يومين ايه اللي حصل فيهم بقي؟طب افتحي موبيلك يابنتي عشان اعرف اكلمكبجد قلقتيني عليكي
August 11, 2008 at 5:18 am
فيه ايه بس يا ياسمينيهون عليكي الواد كاميكاز كده تسيبيه مرة واحده كدهوتقوليله روح دور على شغل في حته تانيهالجدع ماكانش بيقولوك لأ على أي حاجه كنتي بتطلبيها منهكده برضه تاخديه لحم وترميه عضمياللا ياللا خديليك اجازة وارجعلنا تانيبس ما تطوليشمستنيينيك قريب اوي ان شاء اللهولا هتخلي رمضان يعدي من غير اشراقه كاميكازيهسلام
August 11, 2008 at 1:20 pm
السلام عليكمازيك يا ياسمين فوقى كدا يابنتى ومتزعليش نفسك كلنا بيجلنا لحظات يأس وحزن بس لما يكون فى ناس حولينا بيحبونا بنجتازها ببسرعهوانتى كل الناس بتحبكارجعى بئا بسرعه وكفايه كدا
August 12, 2008 at 7:34 am
فينك يا إنسانة ؟!!!!! نسيت كل اللى بيحبوك هنا وروحت فين ؟أنا شايف أن أجازتك طولت شويةعموما أيّا كان السبب فى غيابك فلازم تكونى أشجع من ذلك وأقوى ايضاالدنيا هذه لم تعد غابة فى الغابة قد يرحم القوى الضعفاء لدموعهم او لأجل الرحمة فقط أما هنا فسيلتهمك الاقوياء لإراحتك من حياتك ودموعكتحلى بالايمان فى ملاذك وإستعينى بالله ولا تعجزى وكلنا فى إنتظاركرمضان كريم بقة هه
August 12, 2008 at 10:33 pm
خسارة بجدانتي من الناس المريحة جدا القراية ليهمومن اخف الناس اللي قريتلهم ياريت تكون قرار انفعالي هاتراجعي فيه نفسك وتكتشفي انك اتسرعتي وهاترجعي ف كلامكطب مش علشاننا ولا علشانك علشان كاميكاز المسكينيارب ان شاء الله ادخل قريب الاقي بوست جديد خالص
August 15, 2008 at 4:37 am
:)هدي نفسك و ماتحمليش نفسك فوق طاقتهالما حد بيدخل هنا المدونة… بيدخل برضاه… عشان يتابع كتبتي ايه جديدف اكيد لو اللي كاتباه ده حاجة تضايق او “بتشيلينا همك” زي ما بتقولي… يبقى احنا اللي ذمبنا على جمبنا :d و اكيد مش هنبقى متضايقين من كدهبجد ماتحمليش نفسك فوق طاقتك..ربنا يفك كربك و يسعدك و يدخل السرور على قلبك 🙂
August 15, 2008 at 9:53 pm
ايهايه ايهليه كل ده يعنيمتعملياللي انتي عاوزاه يابنتي صفحتك وانت حرة فيهاليه كل الأسف دهأيا كان اللي حصل معاكيلو له علاقة بالتدوين يبقي حاجة صغيرة وميستاهلش التعب ووجع القلب انسية وفتحي الصفحة عشان تكتبي وتلعبي تستفيدي وتفيدي غيرك وتجاهلي اي حد يزعلكلو اللي حصل بره التدوينيبقي فرصة تطلعي طاقة وتفوقي وتنسي اللي مزعلكيلا يا ياسمين، متبطليش حاجة بتحبيها بسهولة كده
August 16, 2008 at 12:38 am
انا بهددك يا إنسانة .. لو مبطلتيش أسف انا هاضطر اشيل اللينك بتاعك من على مدونتى :)مش انتى إنسانة اللى انا عرفتهابصدقها و عزيمتها و إيمانها اوعى تنسى يا إنسانة .. إنك إنسانةيوم زعلانة يوم فرحانة و يوم بين الدروب حيرانة و يوم ..ويوم و يوم ..مفيش حد يصاب باليأس و كل الناس دى بتحبه . من غير حتى ما تكون شفته أو سمعت حتى صوته دمتى دوماً بخير و سعادة و مستنيكى ترجعى بالأملإنـــسانةيارب ينور بصيرتك بكـــسل
August 17, 2008 at 4:16 am
ايه كميه التأسفات ديانتي مش محتاجه تتأسفي ع تعبكاو حالتكدي اكيد حاله وهتمروهترجعي ياسمينه الي كانت بتعطر كل المدونات بجمال اسلوبها وخفتهاواولهم مدونتي اناانا مستنياكي تزوريني انشاء اللهردي الزيارهبست وشز فور يو
August 18, 2008 at 2:05 am
انا مش عارفة شو صايرهادي ثاني مدونة لثاني شخص شعرته قريباً يقول لنا مع السلامةهو دخول التدوين زي تركه؟؟؟اعقلي يا بنت الناس كل سنة وانت طيبة وكمان .. حدعيلك
August 19, 2008 at 7:55 am
مـجـرد إنــســانـة … فى وشهـا إبتسـامة فرحانـة وفـى عنيهـا دمعـة حيرانـة .. بتفـرح وتضحـك .. بتزعـل وتحـزن .. ومـن قلبهـا بتدعـى تخـرج علـى خيـر من دنيـانـاممكن أكون علقت عند حضرتك زمان مرة قبل كده أو مرتينلكن متابع جيد للمدونة بدون تعليق من ع الجوجل ريدركل واحد فينا بتقابله تجارب يا ياسمينفينا بيعيش التجربة ويحاول يتعايش وخلاصوفينا مش بيرضى بأقل من النجاحلكن علشان ننجح لازم هنلقى صعوبات … أفكرك بحاجة بطريقة بوستك عايزين فلوس؟؟هسألك سؤال زي كده برضههي سايبة؟؟ملمحتيش مرة ف المصحف كده وانتي بتقري عن حاجة بتقول هي سايبة؟؟آه والله فيه في المصحف دهمصحف المسلمين مش الشيعة متقلقيش أم حسبتم أن تدخلوا الجنة ولما يأتكم مثل الذين من قبلكم مستهم البأساء والضراء وزلزلوا حتى يقول الرسول والذين ءامنوا معه متى نصر الله ياااااه حتى الرسول نفسه يقول متى نصر الله؟؟؟متهيألي لولا الآلام والأحزان مكناش هنعرف طعم السعادة … ولولا الابتلاءات مكناش هنعرف ان ربنا بيحبنا … ولولا المصائب والصعاب مكناش هنبقى جنب أبو بكر وعمر وعثمان ومع الرسول في الجنة وجنب السيدة عائشة وخديجة وزوجات الرسولصح ولا قلت حاجة غلطت ياسمين؟؟؟انتي مش آسفةواحنا مش هنقبل أسفكعلشان احنا كلنا أسرة واحدة مينفعش حد يقفل أوضته على نفسه ويسيبنا لواحدنااحنا مدونين رخمين ههربنا يسعدك ياسمين ويوفقك ف كل خير ويهون عليكي أي ابتلاءولو دخلتي ف عزلة …علشان خاطر اخواتك المدونين خليها عزلة بسيطة تطلعي منها أقوى تحياتي يا إنسانة
August 19, 2008 at 5:50 pm
يابنتى احنا داخلين اهوه على رمضان وانتى لا حس ولا خبربجد كده حرام عليك انك تحرمينا من مواضيعك الجامدة وعيب عليك لما تسيبينا كده فى عرض البحروكمان اللى عاوز سيب ناس ويمشى أضعف الايمان يستئذن وينصرف مش يمشى كده من دماغه واللى مش عاجبه يضرب دماغه ف الحيط ؟؟؟؟عموما فى إنتظارك وياريت متضيعيش رمضان علينا وعليكفى إنتظارك
August 20, 2008 at 11:00 pm
انا اديلى فتره كبيره بعيده كده لحبه ظروف خارجه عن ارادتىبس انا رافضه لقبول اسفكوياريت تلغى بردوا البوست ده من المدونه الجميله دىومش علشان حاجه مرت عليكى كدهتبقى تبيعى اصحابك وتبعدى عنهم عالم المدونات ده مش مجرد مراسلات لشويه اشخاص لما يحصلى حاجه ابعد عنهم واسيبهم طيب هما ملهم ومال اللى حصل مشفتش حد بيطلع من تجربه يقوم يكنسل ويدلت كل حياته السابقه ويلغى اصحابه كمانانا هدعيلك بس انتى كمان ادعيلى ووحشتينى
August 22, 2008 at 8:11 pm
يا إنسانة الموضوع مش موضوع عدد مرات و لا عدد الكلمات الموضوع كم مش كيف …و أنا أول مرة أزور المدونة و عجبتني و مستنية جديدك إنشاء الله
August 31, 2008 at 8:31 pm
لقد كتبت عن مدونتك وقرار غلقها وهذا تقرير صغير عن المدونات وملاحظاتي الشخصية عنها وهذا التقرير عبارة عن اجتهاد شخصي لرؤيته http://sara-out-of-the-blue.blogspot.com/2008/08/blog-post_31.htmlتحياتي
September 22, 2008 at 2:10 pm
ليه الاسف ده كلوا